FLASH
Shkruar nga Pamfleti
Në Frankfurt, një arbitër i ndeshjeve të të rinjve është kërcënuar me vdekje. Babai 48-vjeçar i një lojtari i kishte thënë 15-vjeçarit se do t’i priste kokën, pasi skuadra e djalit të tij kishte humbur finalen e Kupës së Qarkut.
Shoqata e arbitrave në Frankfurt (SRVGG) raporton për incidentin e pabesueshëm në ndeshjen FC Kalbash kundër Germania Enkhajm (0:2) dhe shfaq një video në Instagram.
Aty duket një turmë lojtarësh të rinj që brohorasin, ndërsa nga sfondi një burrë vërshon drejt arbitrit.
Në klipin e shkurtër nuk dëgjohet se çfarë i bërtet agresori arbitrit të ri që vrapon disa metra. Por sipas BILD mësohet se 48-vjeçari ka thënë: “Do të të pres kokën. Unë ta q… nënën tënde.”
Ndaj burrit është ngritur kallëzim penal për fyerje dhe kërcënim, konfirmoi policia e Frankfurtit sipas kërkesës.
“Ai e ofendoi arbitrin që në minutën e parë”
I trishtuar: “Njeriu është i njohur në të gjithë qytetin dhe është gjithmonë kaq agresiv në fushat tona të futbollit,” tha një zëdhënës i Shoqatës së Arbitrave të Frankfurtit.
Dhe më tej: “Ai ofendoi arbitrin që në minutën e parë – edhe për vendime të tilla banale si rivënie”. Mesa duket sjellja agresive ka mërzitur edhe vetë ekipin e tij. Një mbikëqyrës i ekipit humbës i tha një zyrtari të SRVGG:
“Ne jemi mësuar që ai të sillet kështu.”
Të tre gjyqtarët kanë konfirmuar se nuk duan të ndalojnë arbitrtimin edhe pas këtij kërcënimi.
Por për të garantuar sigurinë e gjyqtarëve, SRVGG i bën thirrje gjykatës së arbitrazhit dhe komitetit të futbollit të rrethit që të veprojnë përfundimisht.
“Ne u kemi thënë gjyqtarëve tanë se asnjë lojë nuk do të fillojë pa një marshall gjykate”.
Lini një Përgjigje