FLASH
Shkruar nga Pamfleti
Elseid Hysaj pritet të largohet nga Lacio në përfundim të këtij sezoni. Kontrata e mbrojtësit 32-vjeçar skadon në muajin qershor dhe, sipas raportimeve, klubi kryeqytetas nuk e konsideron pjesë të planeve për të ardhmen.
Ndërkohë, interesimi për futbollistin shqiptar nuk mungon. Mediat italiane raportojnë se Parma ka shfaqur interes serioz për shërbimet e tij, duke e konsideruar një përforcim të vlefshëm për repartin mbrojtës.
Trajneri i Parmës, Karlos Kuesta, vlerëson eksperiencën e Hysajt në Serinë A dhe e sheh atë si një element të rëndësishëm për skuadrën. Megjithatë, vendimi final pritet të varet nga vetë lojtari, i cili ende nuk ka dhënë sinjale për hapin e radhës në karrierë.
Elseid Hysaj ka ndërtuar një karrierë të konsoliduar në futbollin italian. Ai u formua tek Empoli, ku u aktivizua fillimisht me ekipet e moshave dhe më pas me skuadrën e parë. Në vitin 2015 u transferua te Napoli, ku qendroi deri në vitin 2021. Më pas, firmosi me Lacion, ku ka qenë pjesë e skuadrës në sezonet e fundit.
Lini një Përgjigje