FLASH
Shkruar nga Pamfleti
Konfederata Afrikane e Futbollit (CAF) ka shkaktuar reagime të forta pasi vendosi që Maroku të shpallet fitues në tavolinë i finales së Kupës së Afrikës për Kombe ndaj Senegalit.
Ndeshja në fjalë kishte qenë e shoqëruar me tensione, pasi përfaqësuesja e Senegalit kishte braktisur për disa minuta fushën e lojës, për t’u rikthyer më pas dhe për ta fituar takimin në fushë. Megjithatë, pas një periudhe prej dy muajsh, CAF vendosi ta ndryshojë rezultatin, duke i dhënë Marokut fitoren 3-0 në tavolinë dhe duke dënuar Senegalin.
Federata e Futbollit të Senegalit ka reaguar menjëherë, duke bërë të ditur se do ta apelojë vendimin. Sekretari i Përgjithshëm, Abdoulaye Sow, ka shprehur kundërshtim të fortë ndaj vendimit dhe ka vënë në pikëpyetje integritetin e institucionit drejtues të futbollit afrikan.
Reagimet dhe akuzat
Sow deklaroi se vendimi ka shkaktuar zemërim të gjerë dhe se beteja ligjore nuk ka përfunduar.
“Konfederata Afrikane është e kalbur dhe reagimet nga e gjithë bota e konfirmojnë këtë. Presidenti ynë po komunikon me të gjithë aktorët e përfshirë. Beteja nuk ka mbaruar. Dua të siguroj tifozët se Senegali është në të drejtën e tij dhe trofeu nuk do të largohet nga vendi”, u shpreh ai.
Në të njëjtën linjë, edhe autoritetet shtetërore në Senegal kanë kërkuar hapjen e një hetimi, duke ngritur dyshime për korrupsion dhe ndikim të mundshëm në vendimmarrjen e CAF.
Sfondi i vendimit
Sipas raportimeve, Maroku kishte kërkuar më herët fitoren në tavolinë, duke iu referuar incidentit të braktisjes së përkohshme të fushës nga ana e Senegalit. Vendimi i marrë nga CAF pas dy muajsh ka shtuar tensionet dhe ka nxitur debat të gjerë në opinionin sportiv.
Lini një Përgjigje