FLASH
Shkruar nga Pamfleti
Në Varshavë gjithçka duket gati për përballjen e kësaj të enjteje, ku Kombëtarja shqiptare e futbollit do të sfidojë Poloninë në gjysmëfinalen “play-off” për Kupën e Botës 2026. Ndeshja konsiderohet vendimtare për ambiciet e kuqezinjve drejt një kualifikimi historik.
Trajneri Silvinjo ka publikuar listën me 23 lojtarët e grumbulluar për këtë sfidë, si dhe numrat që secili prej tyre do të mbajë në fanelë.
Një nga ndryshimet më të dukshme lidhet me mungesën e Jasir Asanit, i cili do ta ndjekë ndeshjen nga tribuna. Si pasojë, fanela me numrin 9 i është besuar Anis Mehmetit, i cili rikthehet në Kombëtare pas një periudhe të gjatë mungese.
Ndërkohë, për shkak dëmtimi, Rei Manaj nuk është grumbulluar për këtë ndeshje. Numri i tij 7 do të mbahet nga Adrion Pajaziti.
Në listën e Silvinjos spikasin edhe dy emra të rinj: Stavro Pilo dhe Bujar Pllana, të cilët do të mbajnë përkatësisht fanelat me numrat 19 dhe 15.
Kjo përballje ndaj Polonisë vjen në një moment kyç për Shqipërinë, ku çdo detaj, nga përzgjedhja e lojtarëve deri te menaxhimi i mungesave, mund të ndikojë në rezultatin final.
Lista e numrave:
Tomas Strakosha numrin 1
Ivan Balliu numrin 2
Mario Mitaj numrin 3
Elseid Hysaj numrin 4
Arlind Ajeti numrin 5
Berat Gjimshiti numrin 6
Adrion Pajaziti numrin 7
Kristjan Asllani numrin 8
Anis Mehmeti numrin 9
Nedim Bajrami numrin 10
Myrto Uzuni numrin 11
Elhan Kastrati numrin 12
Naser Aliji numrin 13
Qazim Laçi numrin 14
Bujar Pllana numrin 15
Juljan Shehu numrin 16
Ernest Muçi numrin 17
Ardian Ismajli numrin 18
Stavro Pilo numrin 19
Ylber Ramadani numrin 20
Arbër Hoxha numrin 21
Armando Broja numrin 22
Mario Dajsinani numrin 23
Lini një Përgjigje