FLASH
Shkruar nga Pamfleti
Derbi në Super ligën greke mes Olimpiakosit dhe AEK-ut të Athinës u la në hije nga një sulm që ndodhi brenda në fushë. Pas përfundimit të ndeshjes, tifozët vendas të Olimpiakos u turrën drejt fushës duke hedhur bomba tymuese dhe shashka. Ata u larguan nga policia, ndërsa lojtarët dhe zyrtarët e AEK-ut u futën në dhomën e zhveshjes.
Skandal bëri edhe presidenti i Olympiakosit, Evangelos Marinakis i cili hyri në fushë dhe sulmoi verbalisht arbitrin.
“Mashtruesit kanë treguar se nuk kanë të ndalur”, u ankua pronari i klubit. “E gjithë Greqia është e neveritur”, ka shtuar i nervozuar ai.
Përveç kësaj, Olympiakosi lëshoi një deklaratë duke thënë se Federata Greke e Futbollit dhe qeveria po e vrasin futbollin. Klubi më i madh në vend akuzon federatën për manipulim të kampionatit.
Pas kësaj fitoreje me rezultat 1-3, AEK-u ka pikë të barabarta me Panathinaikos, kurse Olympiakosi është tashmë nëntë pikë prapa dyshes së parë. Gjithashtu, edhe arbitri italian, Masa, ka treguar për këtë situatë të vështirë.
“E kam vonuar me 1 minutë fillimin e pjesës së dytë sepse ekipi vizitor ka hyrë me vonesë në fushë. Në minutën e 57′ e kam ndërprerë lojën sepse nuk ka pasur dukshmëri për kamerat VAR për shkak të tymit dhe pas 3 minutash ndeshja rifilloi normalisht. Në minutën e 90-të gjyqtari i 4-të tregoi 7 minuta kohë shtesë, por pas golit të tretë të skuadrës mysafire, disa objekte (shishe uji) u hodhën nga tribuna duke penguar. Në minutën 90+6 vendosa ta mbyll ndeshjen, pasi kuptova se tifozët vendas mund të futeshin në fushë. Tifozët e vendasve hynë në fushë dhe u nisëm drejt në tunel. Aty kishte shumë njerëz dhe ndjeva një goditje tek organi gjenital, por nuk e dallova fajtorin”, përfundoi ai
Lini një Përgjigje