FLASH
Shkruar nga Pamfleti
Grumbullimi i Stavro Pilos në Kombëtaren shqiptare ka sjellë reagime në mediat greke. Mbrojtësi, i lindur në Greqi por me prindër shqiptarë, është një nga emrat e rinj të përzgjedhur nga trajneri Silvinjo për skuadrën kuqezi.
Stavro Pilo ka vendosur të përfaqësojë Shqipërinë në arenën ndërkombëtare, një zgjedhje që lidhet me origjinën e tij familjare. Sipas të dhënave, ai ka prejardhje nga Finiqi, në jug të Shqipërisë.
Megjithatë, media greke “sport24.gr” ka publikuar një artikull ku përdor emrin “Stavros Pelios” dhe pretendon se prindërit e tij janë nga i ashtuquajturi “Vorio Epir”. Ky term konsiderohet i debatueshëm dhe nuk njihet si një njësi zyrtare gjeografike.
Në shkrimin e saj, media sugjeron se kjo lidhje është përdorur për të lehtësuar kalimin e futbollistit në Kombëtaren shqiptare, pa përmendur drejtpërdrejt origjinën e tij nga territori i Shqipërisë.
Në artikullin e publikuar, theksohet gjithashtu se futbollisti ka lindur në Rodos, ndërsa përdoret një ton që lë të kuptohet pakënaqësi ndaj zgjedhjes së tij për të përfaqësuar Shqipërinë.
Interpretimi i medias greke është parë si kritik dhe në disa raste me ngarkesë emocionale, duke reflektuar debatet e vazhdueshme mbi çështje identitare dhe historike në rajon.
Artikulli:
Stavros Pelios do të garojë me ekipin kombëtar të Shqipërisë. Me çfarë emri do të luajë ai kur të luajë me ngjyrat e fqinjëve tanë? Stavros Pelios është zyrtarisht në listën e të ftuarve të kombëtares shqiptare . Silvino vendosi ta thërrasë mbrojtësin e AEK-ut për të forcuar ekipin përfaqësues të vendit fqinj në betejën për një biletë për në finalet e Kupës së Botës .
Federata e futbollit e vendit fqinj i referohet atij si “Stavros Pilo”, që është edhe emri në pasaportën e tij shqiptare, në mënyrë që të mund të luajë për ekipin kombëtar. Pili ka lindur në Rodos, por prindërit e tij kanë lindur në Epirin e Veriut, dhe kështu u gjet “dritarja” që ai të bëhej ndërkombëtar me ekipin kombëtar shqiptar.
Lini një Përgjigje