FLASH
Shkruar nga Pamfleti
Shqipëria U-21 zhvilloi një ndeshje miqësore ndaj Gjermanisë U-21 në “Elbasan Arena”, ku pavarësisht nga emri i kundërshtarit, interesi i tifozëve ishte i ulët, teksa nuk kanë munguar edhe momentet pikante.
– Babai i Vaiper në tribunë me fanelën e Maincit, i shoqëruar nga familjarë të tij, teksa daja i Vaiper mban veshur fanelën e Gashit.
– Futbollistët e Gjermanisë duken të pakënaqur në një rast me vendimin e Hamitit, i cili iu kthehet me tone të ashpra
– Në tribunën e stadiumit “Elbasan Arena” ka personalitete të shumta dhe figura të sportit shqiptar si edhe ish-futbollistë të Kombëtares.
– Në anën e Gjermanisë, ishin 3 shqiptarë kundër kuqezinjve. Veç Grudës e Vaiperit në fushë, ishte edhe Mustafi në staf me rolin e zv. trajnerit.
– Pak para startit të pjesës së dytë, hapet impianti i vaditjes dhe lag fotografët e Gjermanisë, të cilët me shpejtësi largojnë aparatët fotografikë.
– Tension në fund të ndeshjes mes Bushit dhe trajnerit të Gjermanisë. Një këndore e çuditshme e akorduar nga Hamiti, ka sjellë tension pranë pankinave.
– Vaiper dhe Gruda qendrojnë jashtë stadiumit për disa minuta duke bërë foto me tifozët e pranishëm, ku në fakt tifozët shqiptarë më shumë kërkuan foto me Vaiper e Grudën, sesa me futbollistët kuqezi. /Panorama Sport
Lini një Përgjigje