FLASH
Shkruar nga Pamfleti
Qazim Laçi është mësuar me gola spektakolarë dhe një të tillë ka shënuar edhe sot, në javën e fundit të kampionatit çek të futbollit. Mesfushori i Kombëtares ka shënuar një gol me shumë vlerë në takimin mes Spartas së Pragës dhe Sigma Olomuk.
Pas një sezoni ku Sparta e Pragës fillimisht mori pjesë në fazën në grupe në Ligën e Kampioneve, në javët e fundit ajo rrezikonte të mos përfaqësohej në Europë, pasi humbi plotësisht kontaktin me kreun me 4 humbje radhazi.
Edhe në takimin e sotëm ndaj Sigma Olomuk, ajo u gjend në disavantazh, me një rezultat që do bënte të mos luante as në Ligën e Konferencës. Por në minutën e 61, erdhi momenti i Laçit për të ndryshuar situatën. Mesfushori pa hapësirë para tij dhe nga rreth 20 metra lëshoi një gjuajtje të fortë që u ndal vetëm në trekëndëshin e portës kundërshtare.
Ky ishte goli i tretë në këtë kampionat për Laçin, i cili ka dhënë edhe katër asiste në këtë sezon me skuadrën e njohur çeke.
Lini një Përgjigje