FLASH
Shkruar nga Pamfleti
Skandali Negreira vazhdon të jetë në qendër të vëmendjes në mediat spanjolle. Pas zbulimeve për një transferim të dyshimtë parash nga Barcelona te ish-zëvendëspresidenti i arbitrave të Spanjës, “El Confidencial” sot zbulon se djali i tij është anëtar i klubit katalanas.
Në kuadër të hetimeve të vazhdueshme për këtë çështje, djali i Negreiras u zbulua se ka qenë anëtar i Barcelonës që në moshën 15-vjeçare, madje, ai paguan edhe abonimin përkatës, ndërsa është edhe anëtar i shoqatës së veteranëve të klubit, të cilët rregullisht luajnë miqësore me anëtarët e tjerë të ekipit.
Kujtojmë se Barcelona është shprehur se nuk ka asnjë transaksion të dyshimtë dhe se shumat që i ka transferuar janë plotësisht të justifikuara. Por shpjegimet e dhëna nga presidenti Joan Laporta nuk e kanë bindur La Ligën dhe i gjithë rasti ka shkaktuar tension në marrëdhëniet me Realin, i cili po e ndjek çështjen në gjykatë.
Lini një Përgjigje