FLASH
Shkruar nga Pamfleti
Britanikja “Mirror” zbulon këtë të hënë “ndëshkimin brutal” të Erik Ten Hag ndaj lojtarëve të Mançester Junajtid, menjëherë pas humbjes historike të pësuar në “Anfield Road” (0-7), duke e cilësuar momentin, si një “përvojë të dhimbshme”.
Sipas të njëjtit burim, trajneri holandez i detyroi sportistët e tij të ulen në heshtje për disa minuta dhe të dëgjojnë festimet e lojtarëve dhe tifozëve kundërshtarë në “Anfield Road”, në një kohë kur stadiumi ishte i nxehtë pas fishkëllimës së fundit.
Më pas, Ten Hag ka folur shkurtimisht me skuadrën, duke u shprehur se shpresonte që ai moment të shërbente si frymëzim që një rezultat i ngjashëm të mos ndodhte më. Kujtojmë se trajneri holandez la shumë kritika për skuadrën pas ndeshjes, duke theksuar se lojtarët e tij nuk ishin “profesionistë”.
Lini një Përgjigje