Dosja ‘Xhisiela’ pret një tjetër ‘kokë’ të lartë, përfundon në Prokurori kryebashkiaku i Krujës, - Aktualitet
Aktualitet18 Tetor 2018, 10:57

Dosja ‘Xhisiela’ pret një tjetër ‘kokë’ të lartë, përfundon në Prokurori kryebashkiaku i Krujës,

Shkruar nga Pamfleti
Dosja ‘Xhisiela’ pret një tjetër ‘kokë’

Dosja 'Xhisiela' pret një tjetër 'kokë' të lartë, përfundon në Prokurori kryebashkiaku i Krujës, Artur Bushi

Dosja e Xhisiela Malokut pritet t’iu kushtojë shtrenjtë shumë politikanëve shqiptarë, të cilët dyshohet se janë të përfshirë në skandal. Mes tyre është edhe kryebashkiaku i Krujës, Artur Bushi, i cili është thirrur sot për t’u pyetur në Prokurorinë e Tiranës.

Bushi është një nga 3 zyrtarët socialistë që u akuzua nga ish-oficeri Emiljano Nuhu, se ishte në komisariat, në momentin kur sipas tij, u kërcënua me armë, nga Xhelal Rraja, xhaxhai i Rexhep Rrajës.

Dosja Xhisiela ka mbi 1 muaj që është në qendër të debatit politik në vend. Rasti u denoncua  nga ish-oficeri Emiljano Nuhu, i cili më pas u arratis në Zvicër, ku kërkon edhe azil. Nuhu ka akuzuar deputetët Taulant Balla dhe Rrahman Rraja se ndodheshin në Komisariatin e Fushë-Krujës në momentin kur ndodhi kërcënimi i pretenduar prej tij, në këtë komisariat ndodhej edhe Artur Bushi.

Për këtë ngjarje është arrestuar Rexhep Rraja, i cili ndodhet në burg, pasi edhe Gjykata e Apelit në Tiranë vendosi të linte në fuqi masën e sigurisë ‘arrest me burg’. Rraja akuzohet për përndjekje, ndërkohë që deputeti socialist Taulant Balla ka paditur për shpifje dhe kallëzim të rremë kryedemokratin Lulzim Basha, deputetët Edi Paloka dhe Enkelejd Alibeaj, gazetarin pranë PD, Basir Çollaku, dhe ish-oficerin e policisë, Emiljano Nuhu.

Aktualitet artur bushi emiljano nuhu rexhep rraja Xhisiela Maloku