Bekim Balaj

Bekim Balaj i prerë: Panuci më riktheu në Kombëtare, mua më takon të gjej rrjetën - Sport
Sport24 Mars 2018, 12:56

Bekim Balaj i prerë: Panuci më riktheu në Kombëtare, mua më takon të gjej rrjetën

Shkruar nga Pamfleti
Bekim Balaj i prerë: Panuci më riktheu në Kombëtare, mua

Bekim Balaj i prerë: Panuci më riktheu në Kombëtare, mua më takon të gjej rrjetën

Në konferencën e shtypit të organizuar nga Kombëtarja nga Durrësit, foli para gazetarëve sulmuesi shtatlartë shkodran, Bekim Balaj, i cili kthehet pas një mungese relativisht të gjatë në skuadër, si pasojë e një dëmtimi. Ai shpreson të luajë titullar dhe ka besim se do të gjejë rrugën e rrjetës. Falënderon trajnerin Panuci për mundësinë që i dha dhe premton më të mirën në duelin ndaj Nirvegjisë, pra premton golin.

Balaj është shprehur se konkurrenca në skuadër i bën mirë çdo futbollisti, por edhe vetë Kombëtares, pasi secili luan për të zënë një vend titullari dhe jep më të mirën. “Të them të drejtën, kur shohim para në kohë themi që kemi pasur shumë konkurrencë dhe pozicioni i sulmit nuk të le të rehatohesh pasi ka shumë ndërrime. Unë jam munduar gjithmonë të jap më të mirën time. Kam munguar për shumë kohë për shkak të një dëmtimi por për mua është një vlerësim që rikthehem në Kombëtare dhe tani po arrij formën time më të mirë dhe shpresoj të përmirësohem në çdo ndeshje.

Titullar? Zgjedhjet janë të trajnerit dhe taktikat e tij vendosin. Për aq sa më jepet mundësia unë do të jap më të mirën time. Sa më shumë hapësira të kemi aq më mirë është për ne, por se kush do të luajë është profesori ai që do të vendosë. Unë kam kontratë në Rusi dhe kam një vit që luaj por kam luajtur edhe i dëmtuar dhe ndihem mirë që po luaj tani. Kam qenë edhe titullar me ekipin dhe shpresoj ta kem lënë mbrapa dëmtimin që kam pësuar.

Të rinjtë? Ndërrimet në ekip sjellin frymë të re dhe rritet konkurrenca e kjo i bën mirë Kombëtares dhe grupit. Rivaliteti ka qenë gjithmonë dhe do të mbetet në Kombëtare. Pak rëndësi ka së kush luan dhe normal që dua të luaj por është trajneri ai që vendos se kush do të luajë. Te Kombëtarja, asnjëri nga ne nuk i konsideron ndeshjet miqësore pasi secili nga që ka mundësi të luajë mundohet të japë më të mirën. Konkurrenca me Grezdën? Grezda kë bërë shumë mirë dhe deri diku ka zënë një vend titullari por ai luan si sulmues krahu ndërkohë që unë luaj në qendër”, u shpreh Bekim Balaj. Rivaliteti i tij është me sulmuesin tjetër, Armando Sadiku, dhe duket se Panuci është në dilemë për të zgjedhur mes tyre për pozicionin e titullarit. /Pamafleti.com

Sport