Dosja “Babale”, Salianji: “Varr bosh’ i drejtësisë” po mbyllet afera e lidhjes së shtetit me ma - Politike
Politike 4 Shkurt 2019, 22:00

Dosja “Babale”, Salianji: “Varr bosh’ i drejtësisë” po mbyllet afera e lidhjes së shtetit me ma

Shkruar nga Pamfleti
Dosja “Babale”, Salianji: “Varr bosh’ i

Dosja "Babale", Salianji: "Varr bosh' i drejtësisë" po mbyllet afera e lidhjes së shtetit me mafien

Deputeti i Partisë Demokratike, Ervin Salianji, i cili është një prej protagonistëve të dosjes “Babalja”, i ftuar në emisionin “5 pyetjet nga Babaramo”, thotë se prokuroria po e varros këtë dosje.

Në dosjen ‘Babalja” pretendohej se  në një bisedë telefonike ishte përgjuar Agron Xhafaj, vëllai i Fatmir Xhafajt, atëherë ish-ministër i Brendshëm, për të trafikuar një sasi lënde narkotike kanabis drejt Italisë, thotë se prokuroria po e varros këtë dosje.

Salianji foli edhe për dosjen “339” ku shtoi se janë disa zyrtarë të PS, përfshirë edhe kryebashkiakun e Durrësit Vangjush Dako, në përgjimet e grupitt të heroinës së Hasit, të implikuar në shit-blerjen e votave.

Deputeti deklaron gjithashtu, se kryetari i PD Lulzim Basha është mbajtur në përgjim nga policia, përfshirë njëkohësisht edhe disa deputetë të opozitës të njohur për denoncimet ndaj qeverisë.  

Dosja ‘339’, Salianji: Pas Dakos, i përfshirë në blerjen e votave edhe një ish-ministër 

Deputeti i PD, Ervin Salianji thotë se dosja “339”, përgjime të partnerëve ndërkombërtarë, flet edhe për ish-ministrin e Transporteve dhe Infrastrukturës, Damian Gjiknuri si i përfshirë në shitblerjen e votave. Janë 10 zyrtarë të PS, tha Salianji, të zbuluar nga përgjimet e grupit e heroinës së Hasit, të përfshirë në trafik droge dhe blerje votash për llogari, sipas tij, të kryebashkiakut të Durrësit, Vangjush Dako. “Në një përgjim të vetëm, kanë dalë nja 10 zyrtarë për drogë, blerje votash nga bandat me Vangjush Dakon në Durrës dhe Shijak. Vetëm këto janë bërë publike, por padiskutim që ka edhe dosje të tjera që janë kapur në përgjim zyrtarë të lartë të PS që flasin për shitblerje të votave. Nëse do kishim gjyqësor dhe prokurori të pavarur do ishin arrestuar. Jemi në një situatë ku këtu këta persona që i kanë shërbyer Ramës për të ardhur në pushtet dhe për të mbajtur pushtetin, janë të lirë, nuk ka asnjë të arrestuar për shitblerje të votave. Është dosja e Damian Gjiknurit e nxjerrë edhe nga PD. Basha e ka thënë që kemi informacion për këtë ish-ministër të përfshirë në shit-blerje të votave. Basha ka parë dosjen për Gjiknurin. Por sot përgjimet po i publikon edhe një institucion prestigjioz që do të thotë se niveli i alarmit ka tejkaluar shqetësimet e Shqipërisë, siç është “Zëri i Amerikës””, tha Salianji. 

Salianji: Basha dhe disa deputetë të PD janë mbajtur në përgjim nga policia 

Deputeti demokrat Ervin Salianji tha te “5 pyetjet nga Babaramo” se kryedemokrati Lulzim Basha është mbajtur në përgjim nga policia. Sipas tij, janë përgjuar edhe disa deputetë të PD:

“Është një skandal i madh. Kryetari i PD, Lulzim Basha, por edhe deputetë të PD janë mbajtur në përgjim nga policia”, tha ai.

Politike Babalja salianji