Evi Kokalari

“Po ju mëson shqiptarëve rrotën”, Gary Kokalari degjeneron kushërirën Evi Kokalari: Jam i turpëruar që kemi të njëjtin mbiemër - Aktualitet
Aktualitet 6 Maj 2022, 21:37

“Po ju mëson shqiptarëve rrotën”, Gary Kokalari degjeneron kushërirën Evi Kokalari: Jam i turpëruar që kemi të njëjtin mbiemër

Shkruar nga Pamfleti
“Po ju mëson shqiptarëve rrotën”, Gary Kokalari

Aktivisti shqiptaro-amerikan, Gary Kokalari ka degjeneruar mbështetësen e Berishës, Evi Kokalari.

Kjo e fundit i mëshon idesë se kur të vijnë republikanët në pushtet do ja heqin “non gratën” Berishës, por sipas Gary Kokalarit, janë të gjitha flluska sapuni.

“Nuk kanë asnjë arsye për ta bërë, pasi besoj kanë shumë prova kundër tij. E gjithë historia se mund ta heqin “non grata“ është bërë nga disa klloun si Mat Palombo që ka bërë një libër.  Një aktivitet i madh u bë për këtë  promovim, ku ishte dhe Berisha aty dhe tha se Palombo është një autor i madh. Por ky libër është thjesht mbeturinë. Nuk ka të dhëna as citime as index. Nuk është një punë serioze. Madje citohet një autore konservatore si Evi Kokalari, që flet për periudhën kur Edi Rama ishte në Paris, dhe krijoi raporte me Soros. Ajo thotë se gjithashtu ishte në Paris dhe e dinte ç’po ndodhte,  por unë kam folur me shumë njerëz të Ramës dhe ata nuk e njohin farë atë.  Pra shumë informacione vijnë nga kjo Angelakis si e quaj unë. Në disa faqe shkruajnë për historinë me sekretarin Anthony Blinken dhe Shqipërinë  dhe del në pah instituti Lindje-Perëndim në Nju York që ka bërë këtë konspiracion, duke vijuar më tej se Soros ka bërë konspiracion për këtë çështje. Unë shkova dhe fola me drejtues të këtij instituti dhe ata nuk e dinin fare se për çfarë bëhej fjalë dhe as Blinken nuk e njihnin. Ky libër është një konspiracion i gjithi nga Palombo dhe Angelakis.  Ky libër është thjesht një mbeturinë dhe e ka vendin e tij në koshin e mbeturinave bashkë me Berishën”, tha ai.

Gary Kokalari e ka kushërirë zonjën Kokalari, ndërsa u shpreh se ndjehet i turpëruar që kanë të njëjtin mbiemër. Sipas tij ajo po mundohet tu japë mend shqiptarëve. “Është një e afërmja e imja, që unë nuk i përdor mbiemrin e familjes time, pasi ndihem i turpëruar nga ajo. Por zonja Angelakis që flet për vlera konservatore, ngjan me atë që vjen në Shqipëri dhe ju mëson si punon rrota. Është një nga gjërat më idiote që kam dëgjuar në jetën time. Shqiptarët nuk kanë nevojë për dikë që të vijë dhe tju tregojë për vlerat konservatore, ata janë” tha ai.

Lidhur me deklaratat e Kokalarit se kur të vijë Trump në pushtet do i heqë damkën Berishës, ai tha se të gjitha janë fantazi. “Në radhë të parë duhet që Trump të kandidojë për president, ne nuk e dimë. Unë nuk jam i sigurt. Por nëse ndodh duhet të marri nominimin e Republikanëve, të kandidojë dhe të fitojë zgjedhjet. Por ka shumë njerëz që nuk e duan Donald Trump. Pra ka shumë nëse. Dhe në fund do të vijë Trump dhe do të shpëtoj Berishën. Qartazi kjo është fantazi që vjen nga Angelakis, dhe listë dëshirash”, tha ai në “Report Tv”.

Aktualitet 3Evi Kokalari Gary Kokalari