FLASH

TAGS-AT E DITES

gjenerali amerikan

Na ndiqni edhe në
KONTAKT TE DHENAT PERSONALE COOKIES
Anulon vizitën, gjenerali amerikan i pakënaqur me Kosovën, Washingtoni po shqyrton edhe masa të tjera - Bota

TAGS-AT E JAVËS

Bota11 Shkurt 2019, 12:37

Anulon vizitën, gjenerali amerikan i pakënaqur me Kosovën, Washingtoni po shqyrton edhe masa të tjera

Shkruar nga Pamfleti
Anulon vizitën, gjenerali amerikan i pakënaqur me Kosovën,

Anulon vizitën, gjenerali amerikan i pakënaqur me Kosovën, Washingtoni po shqyrton edhe masa të tjera

Gjenrali amerikan Timothy Orr është  i pakënaqur me Kosovën. Ai anulon vizitën për shkak se Kosova akoma nuk ka hequr taksën ndaj mallrave serbe.

Komandanti i Forcës së Sigurisë së Kosovës, Rrahman Rama, ka njoftuar presidentin e Kosovës, Hashim Thaçi, përmes një letre se Qeveria amerikane ka marrë vendim që të anulojë vizitën e gjeneralit amerikan të Gardës Nacionale të Ioëas, Timothy Orr në Kosovë, në shenjë pakënaqësie me vendimin e Qeverisë së Kosovës, për vendosje të taksës në produktet e Serbisë dhe Bosnjë e Hercegovinës.

Në letrën e komandantit Rama, thuhet se zyrtarë amerikanë në Kosovë e kanë njoftuar atë se Washingtoni është duke shqyrtuar edhe masa të tjera, përfshirë këtu pezullimin e programeve trajnuese dhe edukative për FSK-në.

Lajmin për anulimin e vizitës së gjeneralit për shkak të taksës e ka konfirmuar për Radion Evropa e Lirë edhe Ambasada e Shteteve të Bashkuara në Prishtinë.

Vizita e gjeneralit amerikan ishte paraparë të realizohet nga data 16 deri më 18 shkurt, për të shënuar 11 vjetorin e pavarësisë së Kosovës.

Qeveria e Kosovës ka vendosur taksë prej 100 për qind në importet e këtyre dy shteteve. Deri më tani nuk ka pasur ndonjë reagim nga qeveria e Kosovës.

 

Rajoni anulon viziten Kosova Washington

Bota