Gjyqi në Apel për vulën e PD, Indrit Sefa sqaron tërheqjen e ankimimit: Kërkojmë që procesi gjyqësor të mbyllet sa më shpejt - Politike
Politike17 Janar 2023, 18:28

Gjyqi në Apel për vulën e PD, Indrit Sefa sqaron tërheqjen e ankimimit: Kërkojmë që procesi gjyqësor të mbyllet sa më shpejt

Shkruar nga Pamfleti
Gjyqi në Apel për vulën e PD, Indrit Sefa sqaron tërheqjen e

“S’është tërheqje, por shtysë.” Kjo ka qenë përgjigja e avokatit të grupit të Alibeajt, Indrit Sefa ndaj komentit të Berishës.

Ngërçi i Partisë Demokratike përpos debateve brenda llojit, betejën e madhe e kanë në Gjykatë se cila prej selive blu, do të arrijë të marrë vulën. E pikërisht për këtë, avokati i PD-së së Alibeajt, thotë se tashmë duhet një shtysë ndaj Gjykatës në mënyrë që të zgjidhet ky ngërç ligjor dhe të vazhdojnë udhën për zgjedhjet e 14 majit.

Ama, lëvizjen e PD zyrtare Berisha e ka cilësuar si tërheqje, madje e cilësoi tha se Alibeaj po tallet me veten e tij. Pikërisht këtë, Sefa e ka cilësuar mentalitet bolshevik, nga njerëz që dikur i kanë shërbyer me besnikëri Enver Hoxhës.

Ne kërkojmë që ankimi të shqyrtohet në një mënyrë sa më të shpejtë, që këtij ngërçit ti jepet fund për të përcaktuar se kush është drejtuesi ligjor i PD. Dhe për ne është zgjidhja e çështjes në themel i cili do i japë zgjidhje përfundimtare. Se di si e ka interpretuar Berisha po mu duk shumë i lumtur. Ne po përpiqemi ti japin zgjidhje ngërçit ligjor. S’është tërheqje por shtysë për Gjykatën që të japë përgjigje përfundimtare për çdo demokrat për të treguar se kush e drejton PD ligjërisht”, tha Sefa në “Report tv”.

I pyetur se pse ka vonesa në Apel, ai tha: “Duke qenë se dosja e partive politike është vetëm një, edhe PD ka vetëm një. Gjykimi për ankimin tjetër s’mund të  vijonte, dhe ne këtë hoqëm. Patjetër që PD do regjistrohet në zgjedhjet vendore të 14 majit.  Kështu që ne jemi sot në aktivitet të përditshëm me KQZ dhe jemi në mbledhjet e tyre të përditshme”.

E sa i përket komenteve me akuza drejtuar grupit të Alibeaj, ku thuhet se po i shërben mazhorancës, avokati Indrit Sefa thotë se është fatkeqësi e një mentaliteti komunist. Sipas tij, ky mentalitet nuk dëmton vetëm PD por edhe shqiptarët.

Mentalitet bolshevik. Të shohësh Facebook, është një lemeri, lukuni njerëzish të marrë. Këto komente vijnë nga ish pionierët e Enverit. Gjuha e përdorur e urrejtjes, është e tmerrshme dhe si shërben PD, por më tepër shqiptarëve. Është fatkeqësi, por unë jam mësuar. Unë një këshillë kam, kundërshtari mundet me argument, me arsye, me alternativë. S’mund të mundet kurrë me një gjuhë përbaltës dhe urrejtëse. Bëj thirrje t’i thërrasin mendjes, të kenë arsye dhe argumente. Vetëm ashtu fiton PD dhe Shqipëria. Asnjëherë PD mund të jetë e tillë dhe të përdorë këtë gjuhë. Duhet të jemi e kundërta e komunizmit dhe e kundërta e tyre. Të bëhen më të arsyeshëm, më të kthjellët dhe të mendojnë për alternativë. S’bëhet me ata që kanë prishur kisha e xhami”, vijoi ai.

Politike Gjyqi PD sefa