Irfan Hysenbelliu

Përplasja me Gent Gazhelin, Rama: Irfan Hysenbelliu është hedhur në sulm pas gjobës për fshehje të ardhurash - Politike
Politike22 Korrik 2022, 17:39

Përplasja me Gent Gazhelin, Rama: Irfan Hysenbelliu është hedhur në sulm pas gjobës për fshehje të ardhurash

Shkruar nga Pamfleti

Kryeministri Edi Rama ka reaguar sërish pas denoncimit të Genti Gazhelit që cili akuzoi biznesmenin Irfan Hysenbelliu se po e sulmon përmes mediave të tij pas një gjobe të vendosur ndaj “Birra Tirana” për evazion fiskal.

Rama i është përgjigjur sërish Ifranit që e akuzoi kryeministrin  se po mbron Genti Gaxhelin.

Sipas Ramës, media e tij nxjerr “fakte” të 2016-ës pasi pronari i tij gjobitet për fshehje të konsiderueshme të ardhurash në biznesin e tij!

“Unë u shpreha qartë pa marrë anë. Përkundrazi, thashë se kush është viktimë e një shpifjeje apo shënjestër e një akuze legjitime, duhet të ketë të drejtën minimale të publikimit të opinionit të vet!Dhe siç shihet edhe këtu,kjo nuk ndodh,po vazhdon avazi!

Madje unë s’fola thjesht për këtë grup mediatik që nxjerr “fakte” të 2016-ës pasi pronari i tij gjobitet për fshehje të konsiderueshme të ardhurash në biznesin e tij! Po fola për të gjitha mediat, sepse kjo liria e medias pa të drejtë replike për ato vetë mban erë të keqe shumë!

Sa për “faktet” në thonjëza apo pa thonjëza, sigurisht që Dogana Shqiptare mund dhe duhet të bëjë sqarimet e saj zyrtare, por tjetër një denoncim legjitim i fakteve tjetër sulmi personal ndaj drejtuesit të institucionit, direkt pas marrjes së një ndëshkimi ligjor për evazion!

Asgjë personale, po vetëm logjike dhe parimore. Ligj për shpifjen jo! Ligj për fyerjet e mediave jo! Gjyqe me media e me gazetarë jo! Reagime siç e meritojnë shqip fare në këto raste jo! Po as ankesa për të drejtën e publikimit të qëndrimeve pas një sulmi?! Më duket e çuditshme!”, shkruan Rama.


Për të rejat më të fundit behuni pjesë e grupit tonë VIRAL në facebook : PAMFLETI

Politike Irfan Hysenbelliu Rama