Meta-Berisha

“Meta-Berisha kundër bashkimit Kosovë-Shqipëri”! Rikthehet sherri Meta-Baton Haxhiu, zëdhënësi i Presidentit: - Politike
Politike22 Mars 2019, 08:54

“Meta-Berisha kundër bashkimit Kosovë-Shqipëri”! Rikthehet sherri Meta-Baton Haxhiu, zëdhënësi i Presidentit:

Shkruar nga Pamfleti

"Meta-Berisha kundër bashkimit Kosovë-Shqipëri"! Rikthehet sherri Meta-Baton Haxhiu, zëdhënësi i Presidentit: Shërbëtor i Stanishiçit!

Është rikthyer sherri në distancë mes Presidentit Ilir Meta dhe gazetarit nga Kosova, Baton Haxhiu. Ishte ky i fundit që akuzoi Ilir Metën dhe Sali Berishën si shkaktarë të krizë politike në Shqipëri, duke shtuar se ata kanë frikë se bashkimi Kosovë-Shqipëri do të faktorizojë Ramën.

“Ilir Meta dhe Berisha naracionin kundër kryeministrit e kanë lidhur me ndryshimin e kufijve të Kosovës. Kjo klime politike është produkt i dy njerëzve, Sali Berishës dhe Ilir Metës. Këta kanë frike se bashkimi i Kosovës me Shqipërinë do faktorizojë Ramën ndaj për këtë arsye shkaktuan krizën e brendshme”, tha Haxhiu.

I menjëhershëm ka qenë reagimi i Presidentit, i cili i është përgjigjur gazetarit Haxhiu rreth mesnatës, përmes këshilltarit të tij, Tedi Blushi.

Duke e konsideruar si zëdhënës të Stanishiçit, Blushi thotë se qëndrimet e Presidentit Meta kanë qenë të qarta.

“Shpifjet e zëdhënësit të Stanishiçit sot kundër Presidentit Meta si shkaktar i pengimit të bashkimit të Kosovës me Shqipërinë dhe nxitës i krizës së brendshme në Shqipëri janë të qëllimshme e të pashpresa për ata që duan të kthejnë rajonin tonë në kohët e errëta të urrejtjes ndëretnike dhe duke damkosur shqiptarët si faktor krize e destabiliteti. Qëndrimet e Presidentit Meta kanë qenë të qarta në interes të stabilitetit rajonal dhe interesit kombëtar të shqiptarëve”, shkruan Blushi.

codramol
smile

Politike Baton Haxhiu Ilir Meta kria politike