FLASH

TAGS-AT E DITES

Nikos Dendias

Na ndiqni edhe në
KONTAKT TE DHENAT PERSONALE COOKIES
Nga e di ministri i Jashtëm grek Nikos Dendias, se presidenti i ri do ta firmosë ‘pazarin’ për detin? - Aktualitet

TAGS-AT E JAVËS

Aktualitet29 Maj 2022, 13:13

Nga e di ministri i Jashtëm grek Nikos Dendias, se presidenti i ri do ta firmosë ‘pazarin’ për detin?

Shkruar nga Pamfleti

Nga e di ministri i Jashtëm grek Nikos Dendias, se presidenti i ri do ta firmosë ‘pazarin’ për detin?

Ka dyshime të forta për pazare paraprake të Ramës me Micotaqis/ Ende nuk dihet as emri i kandidatit për President Republike, mirëpo shtetarët grekë dinë çdo punë të brendshme të Shtetit Shqiptar, sepse këto tanët u japin llogari dhe u binden me përulje, për hirë të hapjes së negociatave

Gjatë vizitës në Tiranë, Ministri i Jashtëm i Greqisë, Nikos Dendias, kërcënoi Shtetin Shqiptar, duke i thënë publikisht Ministres së Jashtme, Olta Xhaçka, të mos përmendet më çështja çame dhe ligji i luftës, ndërsa ministresha “strategjike” nuk reagoi.

Pas kthimit në Greqi, gjatë intervistës në radio “SKAI 100.3 FM”,  ministri Dendias, u pyet nëse u vendos ndonjë zgjidhje e afat zyrtar me palën shqiptare, për zbatimin e paktit detar.

Ministri Dendias, u përgjigj:  – “Shqipëria ra dakord me ne, që çështjen e detit t’ia referojmë Gjykatës Ndërkombëtare në Hagë. Kjo nuk ka ndodhur akoma, pasi Presidenti nuk i ka dhënë autorizimin përkatës kryeministrit për të vepruar. Por Shqipëria, do të zgjedhë një President të ri brenda 2-3 muajve të ardhshëm, dhe atëherë kjo çështje do të jetë e realizueshme menjëherë”.

Për të rejat më të fundit behuni pjesë e grupit tonë VIRAL në facebook : PAMFLETI
Së pari, turp për Shtetin Shqiptar, është fakti që në një takim dypalësh brenda në “shtëpinë” tonë,  Shteti Grek urdhëron të mos përmendet çështja çame; ndërsa qeveria iu bind me përulje për çështjen e detit.

Por përdhosje për Shtetin Shqiptar dhe humbje integriteti për vendin, është deklarata e Ministrit të Jashtëm Grek, Nikos Dendias, se “pakti për ndryshimin e kufijve detar, do firmoset menjëherë, sa të fillojë detyrën Presidenti i ri Republikës së Shqipërisë”.

Pyetja logjike që bëhet është kjo: – Nga e di Ministri i Jashtëm Grek, Nikos Dendias, se Presidenti i ri i Shqipërisë do ta firmosë paktin për marrëveshjet detare?

Kjo krijon dyshime për një pazar paraprak të Edi Ramës, jo vetëm me grekët për faljen e hapësirës detare, por dhe për personin e paracaktuar për President; i cili sipas deklaratës së ministrit grek, do jetë një ‘kukull’, pasi përveç Ramës, deri tani as Parlamenti i Shqipërisë nuk e di emrin e tij.

Mirëpo deklarata për detin, tregon se shtetarët grekë, dinë çdo punë të brendshme të Shtetit Shqiptar, sepse vetë shtetarët tanë u japin llogari dhe u binden me përulje, për hire të hapjes së negociatave që i duhen Edi Ramës si kartë elektorale për të vazhduar sundimin, paçka se paktin detar e ka rrëzuar Gjykata Kushtetuese..

Pa asnjë dyshim, që kryeministri Micotaqis, ka marrë garanci konfidenciale nga kryeministrti Rama, se Presidenti i ri, dekretin e parë do ta ketë për paktin detar, prandaj e deklaroi publikisht ministri Nikos Dendias./Pamfleti

Kryesore #Nga e di ministri i Jashtëm grek Nikos Dendias #presidenti i ri do ta firmosë ‘pazarin’ për detin?

Aktualitet