Operacion policor në Mitrovicë, plagoset 1 efektiv. Arrestohet polici serb - Bota
Bota28 Maj 2019, 09:08

Operacion policor në Mitrovicë, plagoset 1 efektiv. Arrestohet polici serb

Shkruar nga Pamfleti
Operacion policor në Mitrovicë, plagoset 1 efektiv. Arrestohet polici

Operacion policor në Mitrovicë, plagoset 1 efektiv. Arrestohet polici serb

Policia dhe Dogana e Kosovës kanë nisur një aksion të gjerë në gjithë territorin e vendit.

Burime të Koha.net brenda Policisë dhe Doganës kanë bërë të ditur se rreth 400 zyrtarë policorë e hetues të Doganës po merren me aksionin anti-kontrabandë në gjithë territorin.

“Aksioni anti-kontrabandë po zhvillohet në gjithë vendin. Në shumë pjesë të vendit, përfshirë edhe veriun, pritet të ketë shumë arrestime”, ka thënë ky burim.

Gjatë aksionit që po zhvillohet në veri të vendit, sipas burimeve, është arrestuar edhe komandanti i Policisë së Kosovës në Zubin Potok, i cili është i nacionalitetit serb.

Policia gjatë bartjes së të arrestuarve në drejtim të Mitrovicës, kishte hasur në barrikadë të vendosur nga banorët serbë, por ka arritur ta thyejë për të vazhduar rrugën.

Ndryshe, në lidhje me këtë ngjarje tashmë kanë reaguar zyrtarët më të lartë të vendit, por dhe të Serbisë.

Policia e Kosovës ka njoftuar se operacioni policor i cili po realizohet sot në rajonin e Mitrovicës Veri dhe Mitrovicës Jugu, nuk ka të bëjë me rastin e vrasjes së Heroit Enver Zymeri dhe ish-politikanit Oliver Ivanoviç, siç u raportua në disa media serbe dhe lokale.

“Këtij operacioni policor i ka paraprirë një hetim disamujor i IPK-së dhe PK-së i udhëhequr nga Prokuroria Speciale e Kosovës, i cili ka rezultuar me dyshimin e bazuar të përfshirjes së disa zyrtarëve policorë dhe të disa qytetarëve në veprimtari kriminale ‘pjesëmarrje ose organizim i grupit kriminal’ dhe vepra tjera të specifikuara. Ky operacion policor është ende në vazhdim e sipër. Si pasojë e rezistencës në Veri të Mitrovicës, një zyrtar policor është plagosur por është jashtë rrezikut për jetë, përderisa deri më tani janë arrestuar disa zyrtarë policorë, disa qytetarë si dhe janë konfiskuar gjësende të ndryshme përfshirë edhe disa armë”, ka bërë të ditur Policia, raporton Koha.net.

Rajoni aksioni policor në Mitrovicë efektivët e policisë