FLASH
Shkruar nga Pamfleti
Kryetari i Bashkisë Vlorë, Ermal Dredha, ka publikuar zyrtarisht listën e vendeve vakante për pozicionet drejtuese brenda institucionit, pas furtunës që shkaktoi Edi Rama.
Një numër i madh drejtorësh dorëzuan dorëheqjet, ndërsa ka nisur puna për plotësimin e vendeve vakte. Mësohet se procesi do të jetë i ndarë me faza, pasi disa drejtorë do të jenë në detyrë derisa të zëvendësohen.
Kjo mënyrë menaxhimi ka për qëllim të shmangë çdo ndërprerje funksionale në punën e përditshme të administratës lokale dhe të garantojë vijueshmërinë e shërbimeve ndaj qytetarëve.
Procesi pritet të përfundojë plotësisht deri më 15 korrik, ndërsa pozicionet e shpallura do të ndiqen me procedurat përkatëse të përzgjedhjes së drejtuesve të rinj. Bashkia Vlorë njofton se synon një organizim më efikas dhe një administratë funksionale në përputhje me standardet e kërkuara.
Vendet vakante
• Drejtor në Drejtorinë e Projekteve të Huaja, Integrimit Europian dhe Diasporës
• Drejtor në Drejtorinë e Auditimit të Brendshëm
• Drejtor në Drejtorinë e Protokoll-Arkivës
• Kryeinspektor në Inspektoriatin e Mbrojtjes së Territorit
• Drejtor në Policinë Bashkiake
• Drejtor në Ndërmarrjen e Shërbimeve Publike
• Drejtor në Ndërmarrjen e Gjelbërimit
• Drejtor në Ndërmarrjen e Pastrimit
• Drejtor në Drejtorinë e Mbrojtjes Civile)
• Drejtor në Qendrën Kulturore të Fëmijëve
• Drejtor në Shtëpinë e Foshnjes
• Drejtor në Teatrin “Petro Marko”
Lini një Përgjigje