FLASH
Shkruar nga Pamfleti
Pas një kontrate 13-vjeçare monopol dhe miliona euro të përfituara, SICPA, e dëbuar nga Zvicra për mashtrim dhe korrupsion, hyn sërish në tregun shqiptar përmes një kompanie arabe...
Qeveria ka përcaktuar sot kompaninë e cila do të merret me shenjimin dhe gjurmueshmërinë e bimës së cannabis-it në Shqipëri.
Sipas vendimit të miratuar në mbledhjen e sotme, autoriteti i caktuar për këtë proces është shoqëria “ALBTrace Co”, sh.a.
“Autoriteti i autorizuar për realizimin e shenjimit dhe gjurmueshmërisë, sipas ligjit nr.61/2023, “Për kontrollin e kultivimit dhe përpunimit të bimës së cannabis-it dhe prodhimit të nënprodukteve të saj për qëllime mjekësore dhe industriale”, është shoqëria “ALBTrace Co”, sh.a. Ngarkohen Ministria e Financave, Ministria e Shëndetësisë dhe Mbrojtjes Sociale, Ministria e Bujqësisë dhe Zhvillimit Rural, Agjencia Kombëtare e Kontrollit të Cannabis-it dhe shoqëria “ALBTrace Co”, sh.a., për zbatimin e këtij vendimi. Ky vendim hyn në fuqi pas botimit në “Fletoren zyrtare””, shprehet qeveria.
Por kush është ALBTrace Co”, sh.a? Ajo është kompania e cila ka marr koncesionin e pullave fiskale. Në dokumentet e dorëzuara në qendrën kombëtare të biznesit ALBTrace CO është një shoqëri me kapital të përbashkët ku 51% e aksioneve zotërohen nga Shtypshkronja e Letrave me Vlerë dhe 49% e aksioneve nga shoqëria e regjistruar në Emiratet e Bashkuara Arabe, O&S Security and Solutions LLP.
Por ajo çfarë vihet re në dokumentet e dorëzuara është se vetë shoqëria arabe zotërohet në masën 40% nga SICPA Middle East Investments Holding LTD, shoqëri kjo e krijuar nga ish-koncesionari i pullave fiskale që ka operuar deri në vitin e kaluar në Shqipëri, ndërsa pjesa tjetër 60% nga Oumulat Security Printing LLC, filial i Bankës Qendrore të Arabisë Saudite.
Pra SICPA, edhe pse u largua nga koncesioni i pullave fiskale, u rikthye aty përmes lidhjeve të fshehta. Por si duket qeveria tani do i japë në dorë edhe kanabisin mjekësor.
Lini një Përgjigje