Aktualitet17 Prill 2024, 21:40

“Pa mbështetjen e SHBA nuk do kishte guxim”, Agim Baçi: SPAK të mos i zvarrisë çështjet!

Shkruar nga Pamfleti

“Pa mbështetjen e SHBA nuk do kishte guxim”, Agim Baçi:

Analisti Agim Baçi tha se reagimi i KLGJ dhe KLP në mbrojtje të SPAK duhet të kishte ardhur me herët kur prokuroria e posaçme ishte sulmuar edhe nga eksponentë të tjerë të politikës.

Në një intervistë për Euronews Albania, ai theksoi se reagimi i SHBA-BE tregon qartësisht mbështetjen e tyre për SPAK, pa të cilën ky i fundit nuk do të kishte guximi që po tregon sot.

”SHBA dhe BE u rreshtuan në mbrojtje të SPAK duke bërë të qartë se ka mbështetjen e tyre për t’i dhënë fund pandëshkueshmërisë, pa këtë mbështetje SPAK nuk do kishte këtë guxim që ka sot. Uroj që drejtësia të mos i zvarrisë çështjet, as për Berishën, as për Metën se krijon këtë lloj paqartësie. Kemi disa vite që dëgjojmë për Metën, se qartësia juridike ndikon te qartësia politike”, tha Baçi.