FLASH
Shkruar nga Pamfleti
Më 1 qershor, drejtoresha e RTSH-së miratoi koston e festivalit pasi ai u zhvillua, 284 milionë lekë për një aktivitet që u realizua me stafin dhe pajisjet e brendshme. Por me Vendimin Nr. 26, ajo i shtoi shpërblime 'të veçanta' për punonjësit, pa publikuar listat e emrave dhe vlerat. Vendimet i firmosi Kryetari i Këshillit, Fatjon Hoxhalli, pasi gjeti 'gjuhën e pazarit' me Enin.
Disa ditë më parë, "Pamfleti" publikoi një skandal të Drejtoreshës së Radio Televizionit Shqiptar, Eni Vasili, për nisjen e festivalit "Këngët e Pranverës", pa përcaktuar shpenzimet e këtij aktiviteti, kur fillimisht hartohet plan-preventivi.
Edhe me kostot e këtij festivali, drejtoresha Eni Vasili bëri marifetin e shpenzimeve fiktive, të publikuara me Vendimin Nr. 27, datë 1 qershor 2026, duke miratuar vlerën rreth 284 milionë lekë për realizimin e festivalit "Këngët e Pranverës".
Por mbi koston e festivalit, Eni Vasili ka shtuar edhe një kosto tjetër financiare, të emërtuar "Shpenzime shpërblimesh për ekipin e punonjësve të RTSH-së që realizoi festivalin 'Këngët e Pranverës 2026'".
Në Vendimin Nr. 26, datë 1 qershor, të paraqitur nga drejtoresha Eni Vasili dhe të miratuar në Këshillin Drejtues të Radio Televizionit Shqiptar, thuhet:
· Pika 1: Të gjithë punonjësit e RTSH-së, të cilët u angazhuan drejtpërdrejt në përgatitjen, organizimin, realizimin, prodhimin dhe transmetimin audioviziv të Festivalit të Pranverës, të shpërblehen në përputhje me zërat e preventivit financiar.
· Pika 2: Shpërblimet do të zbatohen vetëm për punonjësit e përfshirë në listat e propozuara nga drejtuesit e njësive administrative dhe nga drejtuesit e strukturave të tjera, të miratuara nga Drejtori i Përgjithshëm i RTSH-së, sipas përgjegjësive dhe punës së kryer për këtë aktivitet.
Por Eni Vasili ka mbajtur sekret listën me emrat e atyre shefave e punonjësve që janë shpërblyer dhe vlerat financiare që u janë dhënë prej saj si shpërblim mbi pagat, ku sipas ligjit dhe rregullores së Radio Televizionit Shqiptar, çdo pagesë dhe shpërblim duhet bërë publik.
Abuzimi financiar me këto shpërblime është ky: Ata që përgatitën festivalin "Këngët e Pranverës" janë të gjithë shefa e punonjës të RTSH-së dhe po kështu pajisjet e materialet ndihmëse, ndërkohë që janë paguar dhe 284 milionë lekë si kosto për festivalin.
Nuk ka dyshim që Eni Vasili ka futur emrin e saj në listën e shpërblimeve, si drejtore e festivalit; por bën përshtypje fakti që vendimet e para për shpenzimet e festivalit nuk i ka firmosur Kryetari i Këshillit Drejtues të RTSH-së, Fatjon Hoxhalli, për shkak të prishjes së pazareve.
Ndërsa dy vendimet që po publikojmë sot i ka firmosur, ngaqë siç kuptohet, ka gjetur gjuhën e pazarit me drejtoreshën Eni Vasili; ndërkohë që "specialistë" të jashtëm me pagesa për festivalin ishin familjarë të drejtuesve të Radio Televizionit Shqiptar./Pamfleti
Ore si zgjidhen keta anetaret e keshillit drejtues? Keto Eno Civicin e shikojme nga te gjitha anet qe nga bashkia e gjithkund tjeter! Djali i babait ky apo ben veze? Keta pensionistet e tjere mire eshte te rrisin niper e mbesa e t'i lene qokat e rrogat! Edhe thone pastaj nuk shikohet me sy TVSH. Sa i perket shperblimit qe mund t'i kete bere Eni vetes: I lumte piçka! Se mos vajti aty per te rregulluar TVSH!