FLASH
Shkruar nga Pamfleti
Zbardhen detaje nga sulmi me thikë në Gjermani. Të paktën 17 persona u plagosën në një sulm me thikë në stacionin kryesor të trenit të Hamburgut pasditen e sotme.
Sipas policisë, 4 nga 17 personat e plagosur ndodhen në gjendje kritike për jetën, ndërsa pjesa tjetër ka marrë lëndime të lehta.
Disa nga të lënduarit morën ndihmën e parë në tren, ndërsa të tjerët u dërguan menjëherë në spitale.
Incidenti i përgjakshëm ndodhi në platformën 13/14, rreth orës 18:00. Ndërkohë, një grua 39-vjeçare u u arrestua në vendngjarje nga policia.
Autoritetet dyshojnë se gruaja veproi e vetme. Ende nuk është zbuluar arsyeja e sulmit apo identiteti i 39-vjeçares.
Një dëshmitare e sulmit tha se: “Për fat të mirë, nuk mbaja kufje, kështu që i dëgjova të gjithë duke bërtitur. Pastaj të gjithë u larguan me vrap”.
Stacioni kryesor i trenit i Hamburgut është një nga më të populluarit në Gjermani, me mbi 500,000 njerëz që kalojnë në të çdo ditë. Pasditja e së premtes është një nga orët e pikut.
Lini një Përgjigje