FLASH
Shkruar nga Pamfleti
Ushtria izraelite ka njoftuar se ka vrarë një tjetër komandant të Hezbollahut, i cili sipas saj kishte shërbyer edhe në radhët e Gardës Revolucionare Islamike të Iranit (IRGC).
Sipas deklaratës së Forcave të Mbrojtjes Izraelite (IDF), bëhet fjalë për Abu Dharr Mohammadi, i identifikuar si komandant i operacioneve në njësinë raketore të IRGC-së brenda strukturës së Hezbollahut. Ai raportohet se u vra të martën gjatë një operacioni ushtarak.
Në reagimin zyrtar, ushtria izraelite theksoi se Mohammadi kishte një rol të rëndësishëm në zhvillimin e kapaciteteve ushtarake të Hezbollahut.
“Mohammadi ishte një figurë kyçe në ndërtimin e forcës ushtarake të Hezbollahut për sa i përket raketave”, thuhet në deklaratën e IDF, sipas raportimit të Sky News.
Ndërkohë, përplasjet mes Izraelit dhe Hezbollahut vijojnë të përshkallëzohen. Sipas raportimeve, numri i viktimave në Liban që nga fillimi i përshkallëzimit të fundit të konfliktit ka arritur në 687 persona.
Lini një Përgjigje