FLASH
Shkruar nga Pamfleti
Gjashtëmbëdhjetë persona u plagosën sot pasdite në sulme me raketa të kryera nga Hezbollah në zonat qendrore të Izraelit, njoftoi shërbimi izraelit i emergjencave Magen David Adom (MDA). Sipas MDA-së, 14 nga personat e plagosur janë në gjendje të mirë.
Ndërkohë që në zonën e Këshillit Rajonal Mateh Yehuda, dy persona të tjerë u plagosën lehtë pas një goditjeje tjetër. Policia izraelite konfirmoi se raketa ra në një zonë të hapur, por shkaktoi dëme në infrastrukturë.
Hezbollah mori përgjegjësinë për sulmin, duke thënë se kishte lëshuar një breshëri raketash precize kundër një stacioni satelitor të komunikimit ushtarak në Luginën e Elahut dhe një baze të komandës së pasme në zonën e Ramlesë, si përgjigje ndaj sulmeve izraelite në Liban dhe Bejrut.
Zyrtarët izraelitë thanë se sistemet e mbrojtjes ajrore (si Iron Dome) kanë ndërhyrë në disa raketa, por disa kanë kaluar dhe kanë shkaktuar dëme materiale e të plagosur lehtë.
Lini një Përgjigje