FLASH
Shkruar nga Pamfleti
Gazetari Fatos Mahmutaj ka komentuar zhvillimet në Partinë Demokratike, duke vënë në dukje atë që ai e konsideron si një kontradiktë në qëndrimet e Sali Berishës lidhur me proceset zgjedhore.
Teksa ka folur për zgjedhjet me një kandidat të vetëm, Mahmutaj kujtoi deklaratat e mëparshme të Berishës, sipas të cilave ky model ishte i papranueshëm.
“Berisha nuk është shprehur një herë për zgjedhje me një kandidat, është shprehur disa herë. Përpara disa muajsh u shpreh se është absurde dhe e papranueshme dhe, sipas tij, vetëm komunistët kishin bërë zgjedhje me një kandidat”, tha Mahmutaj.
Ai shtoi se deklarata të ngjashme janë bërë edhe në kohën e zgjedhjeve vendore të bojkotuara nga demokratët, kur Berisha i kishte cilësuar ato si të papranueshme.
Në analizën e tij, Mahmutaj u ndal edhe te figura e Ervin Salianjit, i cili së fundmi ka artikuluar qëndrime kritike ndaj drejtimit aktual të partisë.
“Salianji nuk ishte një kandidat i denjë për t’ia marrë partinë nga duart Berishës. Ka gati një vit e ca që vjen rrotull dhe nuk ka arritur të bëjë bashkë 100 demokratë”, u shpreh gazetari.
Sipas Mahmutajt, pavarësisht angazhimit publik dhe protestave të zhvilluara, Salianji nuk ka arritur të krijojë një lëvizje të mjaftueshme për të sfiduar ndikimin e Berishës brenda Partisë Demokratike.
“Salianji bën protesta, por ngelet në hijen e Berishës”, deklaroi gazetari.
Lini një Përgjigje