FLASH
Shkruar nga Pamfleti
I dërguari i posaçëm i Presidentit amerikan Donald Trump, Steve Witkoff, dhe dhëndri i tij, Jared Kushner, vizituan të enjten Laboratorin Kombëtar Oak Ridge në shtetin e Tennessee për t'u konsultuar me ekspertë që mund të kenë rol në negociatat bërthamore me Iranin. Lajmi u konfirmua të premten nga një burim i njohur me vizitën.
Burimi, duke konfirmuar një raportim të medias amerikane Axios, nuk dha detaje të tjera mbi përmbajtjen e takimeve.
Presidenti Donald Trump ka theksuar se çdo marrëveshje që synon t'i japë fund konfliktit me Iranin duhet të përfshijë një garanci që Teherani nuk do të zhvillojë armë bërthamore.
Sipas vlerësimeve, Irani zotëron rreth 900 paund (rreth 408 kilogramë) uranium të pasuruar në nivele të larta, i cili ndodhej në objektet që u bombarduan nga avionët amerikanë një vit më parë. Teherani këmbëngul se duhet të ruajë të drejtën për pasurimin e uraniumit dhe mohon se po zhvillon armë bërthamore.
Lini një Përgjigje