FLASH
Shkruar nga Pamfleti
Përpara konferencës së përbashkët për shtyp mes Presidentit Donald Trump dhe Kryeministrit Benjamin Netanyhau, Shtëpia e Bardhë ka ndarë planin "gjithëpërfshirës" të Trump për t'i dhënë fund luftës në Gaza.
Plani 20-pikësh duket i ngjashëm me raportet e një plani 21-pikësh që është folur më herët. Ende nuk është e qartë se kush është pajtuar me këtë dhe nëse do të zbatohet. Plani përshkruan 20 pika kryesore dhe fillon me shndërrimin e Gazës në një “zonë të deradikalizuar dhe pa terrorizëm” që nuk përbën kërcënim për fqinjët e saj.
Por një pikë thekson se, nëse luftimet mbarojnë, Gaza do të vendoset nën kontrollin e një qeverie kalimtare të kryesuar nga vetë Trump dhe ish-kryeministrin britanik Tony Blair.
Plani i Shtëpisë së Bardhë përshkruan një sërë hapash që thotë se do të sjellin fundin e luftimeve në Gaza. Kjo përfshin që, brenda 72 orëve nga pranimi i marrëveshjes nga Izraeli, të gjithë pengjet do të kthehen, të gjallë dhe të vdekur. Në këmbim, të burgosurit palestinezë që mbahen në Izrael do të lirohen gjithashtu.
Pastaj, thotë Shtëpia e Bardhë, luftëtarët e Hamasit do të angazhohen për "bashkëjetesë paqësore", duke qenë në gjendje të largohen nga Gaza me "kalim të sigurt" nëse dëshirojnë.
Gjithashtu plani përfshin:
-Planet për rritjen e ndihmës,
-Një plan për rindërtimin ekonomik të Gazës,
-Me atë premtim askush nuk do të detyrohet të largohet nga Gaza,
-Nuk do të ketë rol për Hamasin apo ndonjë grup tjetër militant.
Lini një Përgjigje