
Policia e Gjirokastrës ka zbardhur vrasjen me thikë të 72 vjeçarit Faik Hajdini të ndodhur më 20 gusht 2024 si dhe rolin e secilit prej protagonistëve që bashkëpunuan për krimin e rëndë.
Vrasja ndodhi në fshatin Zhapokikë 2 të Memaliajt dhe u nxit nga çifti që jetonte në banesën, që një gardh e ndante me banesën e viktimës.
“Skënder e Darovi Hajdini kanë nxitur Blerti Kanushin 27 vjec si dhe i kanë krijuar kushtet dhe siguruar mjetet për të kryer vrasjen. Më 19 gusht 2024 në orën 7 të mëngjesit kanë kryer vrasjen e më pas blerti është larguar nga vendi i ngjarjes. Më pas Skënderi dhe Darovi kanë bërë përpjekje për të zhdukur gjurmët e krimit duke e hedhur trupin në përrua. Ndërsa djali i tyre nuk ka treguar për krimin” tha drejtori i Policisë Ardian Çipa.
Lini një Përgjigje