Shkruar nga Pamfleti
SPAK negocioi me ish-agjentin e Operacionales, Jeton Lamin për ta kthyer në bashkëpuntor të drejtësisë por ai refuzoi.
Burime pranë Prokurorisë së Posaçme kanë konfirmuar këtë tentativë të SPAK, por mësohet se ish-efektivi nuk ka pranuar të flasë.
Bashkëpunimi me Jeton Lamin konsiderohet me tepër rëndësi për SPAK, pasi deklarimet e tij mund të hedhin dritë dhe për fatin e të shumëkërkuarit, Ervis Martinaj që prej 7 muajsh rezulton i zhdukur.
Ish-agjenti i Operacioniales u arrestua në Gusht të 2022, vetëm disa ditë pasi familja e Ervis Martinajt kallëzoi humbjen e kontakteve me të shumëkërkuarin.
Jeton Lami rezultoi ndër personat e fundit që kishte patur kontakte me Martinajn, e vërtetuar dhe me pamje filmike në një hotel në Durrës.
Për zhdukjen e të shumëkërkuarit, Lami nuk ka pranuar të flasë. Ndaj tij rëndon akuza e shpërdorimit të detyrës, e ngritur nga Prokuroria Kurbit, e cila vetëm pak javë më parë dorëzoi në gjykatë dosjen në ngarkim të ish-agjentit të Operacionales. /TV Klan
