FLASH
Shkruar nga Pamfleti
Në seancën e sotme gjyqësore ndaj Plarent Dervishajt dhe Julian Meçes, të cilët po gjykohen për atentatin ndaj prokurorit Arjan Ndoja dhe Aleksandër Lahos në vitin 2019, tre dëshmitarët e thirrur nuk u paraqitën, pasi nuk u gjetën në banesë.
Në gjyq prokurori i SPAK-ut, Adnan Xholi lexoi deklarimet e një dëshmitari okular që ka parë automjetet që u përdorën në atentatin ndaj ish-prokurorit Arjan Ndoj dhe Aleksandër Lahos në 1 nëntor 2019, ngjarje ku humbi jetën shoferi Andi Maloku.
Dëshmitari ishte thirrur në gjyq, por ai nuk është gjendur pasi është larguar nga territori shqiptar ndaj prokurori lexoi deklarimet e tij dhënë pas ngjarjes para oficerit të policisë gjyqësore.
“Dy makinat ndaluan dhe pashë që personat që dolën filluan të debatojnë. Njëri që kishte thikë në dorë i tha pse s’e mbarove punën, do ta pres fytin të … Robt”.
Prokurori i SPAK-ut, Adnan Xholi lexoi edhe deklarimet e dhëna nga Aleksandër Laho pas ngjarjes ku ai mbeti i plagosur.
Edhe “Rrumi” nuk është gjetur për t’u thirrur si dëshmitar, pasi ai është person i shpallur në kërkim.
Çfarë tha “Rrumi” pas atentatit në 1 nëntor 2019?
“Para atentatit ishim për drekë me Arjan Ndojën e një shok të tij. Kur u nisëm kam parë një vajzë me emrin Lusi që e njihja në trotuar, e cila shikonte nga ne dhe pastaj ajo hipi në një automjet me një zyrtar të Hipotekës”.
Plaurent Dervishaj: Dëshmitarët duhet të vijnë në sallë të na shohin a jemi ne ato personat tek “Benzi”. Për “Rrumin”, zoti prokuror i beson asaj dëshmie apo jo?
Julian Meçaj: Ç’punë kanë këto dëshmitarë me procesin tim, s’e kuptoj...
Për këtë proces SPAK ka kërkuar si dëshmitarë edhe disa persona të tjerë, ndër to dhe Luan Matën, babain e Ervin Matës.
Lini një Përgjigje