FLASH
Shkruar nga Pamfleti
Një sherr me thika ka ndodhur mbrëmjen e sotme në qytetin e Vlorës. Si pasojë e konfliktit ka mbetur i plagosur një 30-vjeçar, i cili ndodhet në spital në kujdesin e mjekëve.
Ngjarja ka ndodhur në lagjen “24 Maji” ndërsa policia raporton se konflikti ka ndodhur për motive të dobëta.
Ndërkohë, policia ka identifikuar dhe shoqëruar personat e dyshuar se kanë lidhje me ngjarjen.
“Rreth orës 20:00, në lagjen “24 Maji”, gjatë një konflikti për motive të dobëta midis disa shtetasve, ka mbetur i dëmtuar me mjet prerës shtetasi B. S., 30 vjeç, i cili ndodhet në spital, nën kujdesin e mjekëve.
Shërbimet e Policisë kanë bërë të mundur identifikimin dhe shoqërimin e personave të dyshuar të përfshirë në këtë konflikt, në ambientet e Komisariatit të Policisë Vlorë.
Grupi hetimor vijon punën për sqarimin e ngjarjes dhe dokumentimin ligjor të saj”, thuhet në njoftimin e policisë.
Lini një Përgjigje