FLASH
Shkruar nga Pamfleti
Policia ka zbardhur ngjarjen e ndodhur mbrëmjen e sotme në Kamëz, ku u raportua për të shtëna me armë zjarri në drejtim të një biznesi.
Sipas njoftimit zyrtar, rreth orës 20:25, në zonën e Babrrusë, një person dyshohet se ka qëlluar me armë zjarri në drejtim të një subjekti të mbyllur, konkretisht një servisi celularësh, dhe më pas është larguar me shpejtësi nga vendi i ngjarjes.
Menjëherë pas marrjes së njoftimit, shërbimet e Policisë kanë nisur ndjekjen e autorit të dyshuar dhe kanë bërë të mundur kapjen e tij rreth 3 kilometra larg vendit ku ndodhi ngjarja.
I shoqëruari është shtetasi R. M., rreth 18 vjeç, i cili po kryen veprimet procedurale në komisariat.
Fatmirësisht, nga të shtënat nuk ka pasur persona të lënduar.
Grupi hetimor vijon punën për të zbardhur motivet dhe rrethanat e ngjarjes, si dhe për dokumentimin e plotë ligjor të saj.
Lini një Përgjigje