Shkruar nga Pamfleti
Ish-kryeministri Sali Berisha vijon të bëjë avokatin e Fredi Belerit. Gjykata e la në burg kandidatin e “Bashkë Fitojmë” në Himarë, duke deklaruar se ka prova që e implikojnë në blerje votash. Berisha ka reaguar në rrjetet sociale duke e marrë në mbrojtje. Sipas tij, vendimi i gjykatës ishte urdhëruar nga Rama.
“Akt stalinist i Edi Ramës. Ai, për interesa të tij mafioze, urdhëron mbajtjen në burg të kandidatit të koalicionit “Bashkë Fitojmë” të rrëmbyer në mesnatë nga narkopolicia, Fredi Bejleri për të siguruar kështu vazhdimin e kontrollit të tij mafioz, të plotë mbi trojet dhe tokat e banorëve të Himarës.
Duke dënuar me forcën më të madhe këtë akt të shëmtuar policesk, ju bëj thirrje banorëve të Bashkisë Himarë, të dalin të gjithë në votime dhe të votojnë për mbrojtjen e pronave të tyre nga Edi Rama dhe banda e tij në bashkinë e Himarës”, shkruan Berisha.
