FLASH
Shkruar nga Pamfleti
Nga apartamentet dhe makina 26 mijë euro te qindra mijëra euro në llogari, huadhënie dhe trashëgimi, deklarimi i Edmond Haxhinastos në ILDKP tregon një rritje të qëndrueshme pasurie gjatë viteve në qeveri dhe jashtë saj...
Edmond Haxhinasto, deputet i Partisë së Lirisë dhe ish-ministër për disa mandate, rezulton me një portofol të gjerë pasuror që shtrihet nga pasuri të paluajtshme te likuiditetet dhe investimet familjare.
Sipas deklarimeve në ILDKP, Haxhinasto zotëron tre apartamente. Një prej tyre me sipërfaqe 174 m2 është në pronësi të plotë dhe është krijuar përmes kredie bankare. Një tjetër apartament prej 52.46 m2 është gjithashtu në pronësi 100%, ndërsa një i tretë prej 90.6 m2 është në bashkëpronësi, ku ai zotëron 50%.
Në deklarim përfshihet edhe një automjet i blerë më 30 mars 2017 me vlerë 26 mijë euro, në kohën kur Haxhinasto ishte pjesë e qeverisë.
Përveç pasurive të paluajtshme, deputeti deklaron pjesëmarrje në shoqërinë “EHN Group”, e themeluar më 8 shkurt 2024, ku zotëron 25% të aksioneve me vlerë 25 mijë lekë. Ai ka gjithashtu 9 mijë euro cash dhe një llogari bankare me 7,148.83 euro.
Pasuria familjare zgjerohet ndjeshëm përmes deklarimeve të bashkëshortes. Ajo zotëron po ashtu 25% të aksioneve në “EHN Group”. Në llogaritë e saj bankare rezultojnë 6,920.45 euro dhe 76,332.34 dollarë, ku burimi i deklaruar është trashëgimia.
Elementi që bie në sy është pesha e dhurimeve dhe trashëgimisë në pasurinë e saj. Ajo deklaron 12 mijë euro cash nga trashëgimia, si dhe dy huadhënie të konsiderueshme: 50 mijë euro në shtator 2025 dhe 55 mijë euro në tetor 2024, të dyja me burim të deklaruar po trashëgiminë.
Edhe vajza e çiftit rezulton pjesë e këtij portofoli. Ajo zotëron 20% të aksioneve në “Airfire Albania” dhe 50% në “EHN Group”, si dhe ka të ardhura të deklaruara nga paga në këtë kompani në vlerën 6,400 euro. Në llogaritë e saj figurojnë 2,795 euro dhe 4,500 euro cash.
Në të njëjtën kohë, ajo ka marrë një hua prej 105 mijë eurosh në tetor 2024, e cila rezulton e pashlyer.
Të dhënat tregojnë një strukturë pasurore të shpërndarë në disa nivele familjare, me prani të fortë të likuiditeteve, aksioneve dhe huadhënieve. Rritja e kësaj pasurie shtrihet në kohën kur Haxhinasto ishte në qeveri si pjesë e koalicionit PS-LSI dhe vijon edhe pas kalimit në opozitë me Partinë e Lirisë.
Deklarimi pasuror evidenton një vijimësi të akumulimit financiar, ku rolin kryesor në zgjerimin e kapitalit familjar e kanë trashëgimia dhe investimet në kompani të reja. /Pamfleti
DEKLARIMET E HAXHINASTOS
Kjo pasuri duhet te jete me e madhe se kjo e deklaruara, per nga koha kur eshte krijuar, dhe sikur mbane pak era gaz nga TRANZIT FEE, e gazsjellesit TAP qe vjene nga Azerbaxhani dhe kalon neper Greqi, Shqiperi dhe prej andej ne ujrat e Detit Adriatik ne jugun e Italise. Deklarimet e negociatoreve te projektit TAP, qe u perjashtuan ne kohen e diskutimeve per benefitet qe do te merrte shqiperia, ketu te cojne tek dera e zyres se Haxhinastos! . . . . . . . Para ca ditësh u hap një debat mediatik për gazsjellësin Trans Adriatic Pipeline (TAP), që kalon nëpër Turqi, Greqi, Shqipëri dhe nën ujrat e Detit Adriatik ҫon gaz në Itali. Shtetet jo anëtare të BE - së, përfitojn dalje gazi dhe tranzit fee, Shqipëria asnjërën as tjetrën. Kalimi i tij në vendin tonë ishte dhuratë nga specialistët shqiptar që punonin në këtë projekt Europian. Diskutimet tek ne filluan me Qeverinë Nano, por miratimi projektit dhe “mungesa benefiteve” u bë pak ditë para zgjedhjeve të 2013 - tës nga Qeveria Berisha - Meta. Specialistët e TAP - it thonë se ne na takojn benefite, por ata s’ishin pjesë e grupit negociator për to. Diskutimin e tyre ata e ҫojn deri tek dera e Ministrit Energjitikës që e kishte Partia Metës. Kur Rama u bë k/ministër, ai reklamoi benefitet e projektit, por kur u kujtua pas një heshtje të gjatë dhe pa kontratën, ku ne nuk fitonim asgjë, ai filloi lojën në 2016 – në, dërgoi Ministrin Damian Gjiknuri, për ri - negociata me kompaninë e TAP – it, që në atë kohë s’kishte përfunduar akoma. Në një debat në TV doli se ai nuk e kishte diskutuar fare këtë pikë. Sipas llogjikës tij gjërat ishin mbyllur dhe nuk hapen më. Çdo shtet ku kalojn magjistrale nafte/gazi në botë ka benefite të mira, me siguri ne i përfitojm ato por për efekt korrupsioni ato shkojn në llogaritë bankare të qeveritarëve negociator, Berisha - Meta, por heshtja e k/ministrit Rama dhe llogjika boshe e Ministrit Gjiknuri tregojn se edhe kjo qeveri duhet të marri pjesën e saj. Vizitat në Azerbaxhan e mjeshtrave të korrupsionit, Berisha – Meta – Rama, pasi u hap ky debat mediatik, flasin mjaft për këtë. Korrupsioni qeveritarëve tanë ka vite që ka dal jashtë kontrollit dhe jashtë kufirit shtetëror! . . . . . . .
PO PER VETE I BERI, "PUNOI" SI GJITHE TE TJERET ME DJERSEN E SUMES E U BE PASANIK. RROFTE POPULLI DELE SE KETA KANE GJETUR E BEJNE