Shkruar nga Pamfleti
Sekretarja e Brendshme britanike, Suella Braverman e ka konsideruar të rëndësishëm takimin e mbajtur në Londër me ministrin e Brendshëm shqiptar, Bledi Çuçi ku është diskutuar për emigrantët e paligjshëm.
Me anë të një postim në rrjetin social “Twitter”, Baverman tha se vlerëson kontributin e komunitetit shqiptar në Mbretërinë e Bashkuar dhe vuri theksin te Komunikata e Përbashkët në lidhje me krimin e organizuar dhe kthimin e shtetasve shqiptarë, që mbërrijnë në Britani me varka të vogla.
“Diskutim i rëndësishëm me Bledi Çuçin në lidhje me kontributin e çmuar të komunitetit shqiptar në Mbretërinë e Bashkuar, dhe progresin sipas Komunikatës sonë të Përbashkët. Kjo përfshin trajtimin e krimit të organizuar serioz dhe kthimin e shtetasve shqiptarë, sikurse edhe ata që mbërrijnë me varka të vogla”, shkruan sekretarja britanike në Twitter.
Important discussion with @BlediCuci about the valued contribution of the Albanian community in the UK, and progress under our Joint Communique.
— Suella Braverman MP (@SuellaBraverman) March 24, 2023
This includes tackling serious organised crime and returning Albanian nationals, such as those who arrive on small boats. ???????? ???? ???????? pic.twitter.com/kNhwx4OZp4
Kujtojmë se një ditë më parë kryeministri, Edi Rama në takimin që zhvilloi me homologun britanik Rishi Sunak, lidhur me çështjen e emigrantëve që shqiptarë që shkojnë në Britani për të kërkuar azil.
Ndërkohë që në dhjetor të 2022 dy vendet nënshkruan një marrëveshje për të përshpejtuar deportimin e shqiptarëve që mbërrijnë në Bitani me varka. Kjo pasi gati 13,000 shqiptarë arritën në Britani nga Franca vitin e kaluar, duke bërë që rreth një në tre persona që mbërritën në Kanalin e La Manche të jenë shtetas shqiptarë.
