FLASH
Shkruar nga Pamfleti
Ish/zv-kryeministri Arben Ahmetaj ka mohuar dokumentet që kanë dalë në media se ai ka përfituar udhëtime luksoze të paguara nga bosi i inceneratorëve, Klodian Zoto.
Ai ishte sot në “Opinion”, ku edhe pse gazetari i nxori faturat dhe komunikimet me email nga hotelet, Ahmetaj vijon të mohojë se s’ka lidhje.
“O Blendi, unë nuk kam nevojë për të më sponsorizuar ato udhëtime. Ti më njeh. Nuk kam udhëtuar kurrë me të. Nuk kam pasur kurrë kartën e tij në dorë. Blend Fevziu, sulmi nuk është fakt, por është fakt i mercenarit. Nuk është asgjë e vërtetë. Po të jap autorizim, se skam kohë të merrem me këto. Veten e kam të pastruar, madje deklarim që nga 98-ta fije për pe. Sikur gjysma e politikanëve ta bënin atë që kam bërë unë…”, tha ai.
Ahmetaj ju hakërrye më pas edhe gazetarit Adriatik Doçi, i cili ndërhyri Live në emision dhe deklaroi se merr përgjegjësi penale nëse faktet që ai ka nxjerrë nuk janë autentike.
Lini një Përgjigje