FLASH

TAGS-AT E DITES

inceneratorët

Na ndiqni edhe në
KONTAKT TE DHENAT PERSONALE COOKIES
Sulmi i PD-së për inceneratorët, luftë e brendshme ndaj ish-ministrit Ridvan Bode? - Aktualitet

TAGS-AT E JAVËS

Aktualitet 8 Maj 2018, 09:09

Sulmi i PD-së për inceneratorët, luftë e brendshme ndaj ish-ministrit Ridvan Bode?

Shkruar nga Pamfleti
Sulmi i PD-së për inceneratorët, luftë e brendshme ndaj

Sulmi i PD-së për inceneratorët, luftë e brendshme ndaj ish-ministrit Ridvan Bode?

Përkundër asaj që shfaqet në publik, betejat “opozitare” të Partisë Demokratike, më shumë se sa shqetësim për qytetarët, me sa duket janë thjesht një luftë interesash dhe klanesh.

Këtë gjë e ka zbuluar padashje deputeti Myslim Murrizi gjatë mbledhjes së grupit parlamentar të PD-së.
Ndërsa ka replikuar me Sali Berishën, ai ka zbuluar p.sh, se PD dhe Lulzim Basha janë duke sulmuar Ridvan Boden për çështjen e inceneratorët, dhe jo qeverinë.

“Duhet të themi dhe të mos fshihemi se administrator e kësaj kompanie(që trajton mbetejet spitalore dhe u investigua nga një televizion) është nëna e anëtarit të Këshillit Kombëtar të PD-së, Fabian Topollaj, ortak i kësaj firme është vëllai i deputetit Keltis Kruja dhe vëllai i deputetes Reme Lala.
Deputetët duhet ta dinë se kjo firmë është krijuar në 3 mars 2017 kur ne ishim në çadër…ndërkohë që tenderi është marrë në dhjetor 2017.

Gjithashtu edhe një i afërm dhe shofer i Ridvan Bodes është administrator kryesor në inceneratorët e Fierit dhe të Elbasanit. Atëherë për çfarë standardesh flasim?”, ka thënë Murrizi në mbledhjen e grupit parlamentar të PD-së.

Çështja e hapur nga deputeti demokrat është shumë e rëndësishme pasi ajo nxjerr në pah se kush është sot PD-ja.
Një grupim interesash dhe asgjë më shumë e cila nuk është privuar nga torta e pushtetit teksa pas “Çadrës” ka rrëmbyer tendera miliona eurosh.

Ky moment ka rëndësi për të kuptuar edhe diçka tjetër. Nëse sjellim në vëmendje, PD-ja e Lulzim Bashës nuk e ka prekur në asnjë moment çështjen e mbetjeve spitalore dhe me zbulimin e emrave të pronarëve të kompanisë kuptohet pse: Ata janë të gjithë partnerë të Lulzim Bashës. E pse jo edhe financues të tij.
Ndërkohë që për inceneratorët PD-ja ka bërë një betejë deri diku serioze, pasi siç po del tani, pas inceneratorëve del emri i ish-ministrit të Financave, Ridvan Bode.

Lufta e PD-së kundër inceneratorëve është mes të tjerash edhe luftë kundër ish-ministrit të vet të Financave, që përfaqësonte dikur një klan të fuqishëm brenda partisë.

Në mënyrë djallëzore, ngjan se Lulzim Basha ka urdhëruar goditje ndaj inceneratorëve duke përmendur vetëm emrin e Arben Ahmetajt dhe Edi Ramës që kanë firmosur tenderin, por emri i Bodes ka qenë aty i nënkuptuar.

Murrizi ka bërë padashje transparencë për atë që është sot opozita dhe për të kuptuar se pas të ashtuquajturës betejë opozitare, qëndron në fakt një interes konkret i dy apo tre njerëzve.(TemA)

Aktualitet luftë e brendshme ndaj ish-ministrit Ridvan Bode? Sulmi i PD-së për inceneratorët

Aktualitet