Politike19 Mars 2023, 08:51

“Kurti tregoi lidership”, Basha për marrëveshjen në Ohër: Keqardhje që Vuçiç nuk firmosi!

Shkruar nga Pamfleti
“Kurti tregoi lidership”, Basha për marrëveshjen në

Ish-kryetari i Partisë Demokratike Lulzim Basha e ka konsideruar marrëveshjen në Ohër mes Kosovës dhe Serbisë si një hap të rëndësishëm mes dy vendeve. Basha shprehet se Kosova nën lidershipin e Albin Kurtit tregoi dhe njëherë se është në tryezë me konstruktivitet dhe vullnetin për të nënshkruar një marrëveshje që i shërben Kosovës por gjithashtu rajonit dhe vetë Serbisë për të hapur një faqe të re paqeje dhe stabiliteti.

Keqardhje që Serbia sërish nuk pranoi të nënshkruajë këtë marrëveshje çka do të tregonte përmasën e plotë të përkushtimit për një kapitull të ri të marrëdhënieve të saj me Kosovën dhe BE. Uroj që mungesa e nënshkrimit të mos shërbejë si pretekst për të zvarritur zbatimin e marrëveshjes.

Mirënjohje për Bashkimin Europian, Josep Borell, Miroslav Lajçak, për SHBA dhe Gabriel Escobar për punën dhe përpjekjet titanike për të arritur deri te ky moment. Le të shpresojmë se një dritë e re po çel për Kosovën, Serbinë dhe gjithë rajonin tonë”, shkruan Basha.

marrëveshja kosovë-serbi lulzim basha