Politike29 Shkurt 2024, 19:21

“Mos ngatërroni gjeopolitikën me realitetin”, Berisha: Nuk pati Samite në Tiranë, ishin thjesht takime!

Shkruar nga Pamfleti

“Mos ngatërroni gjeopolitikën me realitetin”, Berisha: Nuk

Ish kryeministri, Sali Berisha në fjalimin e tij të radhës nga dritarja e banesës ku po vuan masën “arrest shtëpie”, e quajti qeverisjen e Ramës si regjimin më të korruptuar të Europës.

Duke folur për takimet dhe organizimet e kryeministrit Rama, asnjë njeri, nuk duhet të gabojë, nuk duhet të ngatërrojë gjeopolitikën me realitetin deklaroi se asnjë njeri, nuk duhet të gabojë, dhe të ngatërrojë gjeopolitikën me realitetin.

Sa i takon dy Samiteve të mbajtura më 28-29 shkurt në Tiranë, ai i Ukrainës dhe E-së për Berishën nuk ishin samite por thjeshtë takime.

Mision i një parlamenti i të vërtetës, i cili vuan sot nga një prej propagandave më perverse, më mashtruese në Europë. Mision, i cili përballet me regjimin më të korruptuar në Europë dhe një ndër më të korruptuarit në botë. Përballet me narkoshtetin e parë dhe të vetëm në Europë.

Përballet po kaq me mafien ndërkombëtare në mbështetje të këtij regjimi. Por mesazhi më i rëndësishëm që ju i jepni shqiptarëve në Shqipëri dhe kudo që janë, të marrim në dorë fatin tonë. Shqipërinë e shpëtojnë shqiptarët që e duan. Shqipërinë e shpëtojnë djem, vajza, burra dhe gra, të cilët vendosin në betejë pa kthim, mosbindje civile të përballen me këtë regjim kalbësirë që është turpi i Shqipërisë, turpi i rajonit, turpi i Europës, turpi i botës.

Miqtë e mi, askush, asnjë njeri, nuk duhet të gabojë, nuk duhet të ngatërrojë gjeopolitikën me realitetin. Gjeopolitika është një diçka që kushtëzohet nga gjeografia, natyra dhe të tjera. Kurse realiteti është diçka krejt tjetër. Thashë këto fjalë për t’u ndalur në këto dy ditët e fundit në Tiranë. Dje dhe sot, dy takime, po quhen samite, po të tilla ç’është e vërteta nuk ishin, por takime ishin. Një takim rajonal për Ukrainën dhe një takim i Ballkanit Perëndimor për mekanizmin e rritjes rajonale.

PD ka mbështetur dhe mbështet fuqishëm bashkëpunimin rajonal. Ka mbështetur dhe mbështet fuqishëm ndër të parat Ukrainën, betejën e saj kundër agresionit barbar rus, betejën e saj për Europën, për mbarë popujt e lirë. PD ka qenë dhe është promotor i proceseve integruese në Europë, në hapësirën euroatlantike dhe kjo ka qenë dhe mbetet shtyllë kryesore. Por uroj që asnjë shqiptar të mos ngatërrojë gjeostrategjinë, lustrën propagandistike me realitetin edhe të këtyre dy takimeve”, tha Berisha.

berisha