Politike28 Shkurt 2024, 14:11

Mundësia e përhapjes së luftës, këshilla e Zelenskyt për liderët e Ballkanit: Taktika që do përdorë Rusia!

Shkruar nga Pamfleti

Mundësia e përhapjes së luftës, këshilla e Zelenskyt

Kryeministri Edi Rama dhe presidenti ukrainas, Volodymyr Zelensky, në konferencën e përbashkët pas Samitit Ukrainë – Evropa Juglindore, folën për rrezikun rus në Ballkan.

Cila është këshilla për liderët e Ballkanit Perëndimor dhe ata Europian që ajo që po ndodh në Ukrainë të mos përhapet?

"Fakti që ndodhemi këtu sot në një tryezë të gjithë bashkë, kemi shembuj historikë të marrëdhënieve të ndryshme. Është mënyrë për tu mbrojtur dhe rrugë drejt paqes. Nuk është këshillë, mendoj që ajo që po ndodh tani është shembulli i duhur. Mbase nuk është e thjeshtë për ata të ulur në tryezë, por edhe për shoqëritë e tyre. Nuk i kushtojmë rëndësi provokimeve pasi ato vetëm përçajnë. Vendet e Ballkanit duhet të jenë bashkë. Rusia do bëjë diçka për destabilitet.
Nuk e ka gëlltitur dot atë që po ndodh në Ukrainë. Rusia do përpiqet të përdorë taktika për të shtuar ndikimin e saj."-tha Zelensku.