FLASH
Shkruar nga Pamfleti
Zv.kryeministrja Belinda Balluku nuk do të marrë pjesë në mbledhjen e Këshillit të Mandateve, ku do të shqyrtohet imuniteti i saj.
Mësohet se mbledhja do të zhvillohet me dyer të mbyllura.
Aktualisht Balluku po merr pjesë në mbledhjen e qeverisë e thirrur nga kryeministri Edi Rama.
Kuvendi i Shqipërisë do të shqyrtojë sot kërkesën e Prokurorisë së Posaçme për të hequr imunitetin e deputetes Belinda Balluku, që njëkohësisht është edhe zëvendëskryeministre dhe ministre e Infrastrukturës dhe Energjisë.
Trupa e prokurorëve të SPAK ka mbërritur tashmë në Kuvend, ku do të paraqesë pretendimet para Këshillit të Mandatave. Me dy prokurorët e çështjes, Dritan Prençi dhe Dorina Bejko është edhe kreu i ri i SPAK, Klodian Braho, i cili është në ditën e parë të mandatit të tij si drejtues i institucionit.
Rregullorja e Kuvendit nuk parashikon një afat se kur duhet të mbyllet shqyrtimi ndërsa nga mbledhja e fundit e Këshillit, ka maksimumi dy javë kohë për hartimin e raportit, i cili duhet të votohet në seancën e parë plenare.
Një ditë më parë, Apeli i GJKKO-së la në fuqi masën e ndalimit të daljes jashtë shtetit për Ballukun, ndërkohë që nuk mori në shqyrtim ankesën për pezullimin nga detyra, për t’i dhënë kohë Gjykatës Kushtetuese të shprehet mbi ankimin e kryeministrit Rama.
....dumani e ndriti me nje vrime ne uje,ishalla me kembe te mbare prokurori i ri e ta mpreh mire sopeaten per te gjithe tufen e dheneve.