Kosova 8 Dhjetor 2023, 17:13

Vjosa Osmani në Turqi, takohet me Erdogan: Mirënjohje për angazhimin në sigurinë e rajonit

Shkruar nga Pamfleti

Vjosa Osmani në Turqi, takohet me Erdogan: Mirënjohje për

Presidentja e Kosovës Vjosa Osmani, ndodhet në Stamboll, ku është takuar me presidentin turk Recep Tayyip Erdogan.

Përmes një postimi në platformën “X”, Osmani shkruan se i ka shprehur mirënjohje Turqisë për angazhimin në sigurinë e rajonit.

“Sot në Stamboll takova Presidentin Erdogan. Në dritën e zhvillimeve të fundit të sigurisë, shpreha mirënjohjen tonë për mbështetjen dhe angazhimin e Turqisë për paqen dhe sigurinë në rajonin tonë. Ne jemi të përkushtuar të vazhdojmë të forcojmë bashkëpunimin mes vendeve tona”, shkruan Osmani.

Ndërkaq, Osmani në platformën e Facebook shtoi se ka informuar Erdoganin për zhvillimet e fundit në rajon.

“E falenderova për mbështetjen e fuqishme për Kosovën, përfshirë në periudha të rënda e sfiduese për ne, si dhe e informova për zhvillimet e fundit në vendit tonë. Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, tha Osmani.

vjosa osmani erdogan