FLASH
Shkruar nga Pamfleti
Mozzik, ka publikuar së fundmi EP-në e tij më të re, e cila përmban pesë këngë dhe po konsiderohet një projekt i guximshëm në skenën muzikore shqiptare.
Ndryshe nga shumë produksione të tjera, Mozzik këtë herë ka vendosur të përballet me vetveten, duke reflektuar mbi gabimet dhe veprimet e tij të kaluara. Përmes vargjeve të ashpra dhe të drejtpërdrejta, ai i përgjigjet kritikave dhe thumbave që i janë drejtuar gjatë viteve, duke treguar një anë më të sinqertë dhe personale të jetës së tij.
Në këtë EP përmenden figura të njohura nga jeta personale dhe profesionale e reperit, përfshirë Loredanën, partnerin e saj, futbollistin Karim Adayemi, vajzën Hanën, si dhe disa figura publike dhe politike.
Analistët e industrisë muzikore e kanë vlerësuar këtë projekt si një ndryshim të fortë nga klishetë e zakonshme, pasi Mozzik nuk kursen as kritikat më të ashpra për veten, duke treguar një nivel të rrallë vetëdijeje artistike.
Me këtë EP, reperi duket se ka vendosur t’i japë fund llogarive të pazgjidhura me të kaluarën dhe të vendosë një standard të ri për mënyrën se si mund të shprehet ndryshe në skenën shqiptare.
Lini një Përgjigje