FLASH
Shkruar nga Pamfleti
Real Madrid mbetet në alert pasi vijojnë spekulimet mbi të ardhmen e Rodrygos dhe Dani Ceballos, shkruan MARCA.
Pavarësisht thashethemeve të vazhdueshme, asnjë ofertë zyrtare nuk ka mbërritur në Valdebebas, megjithëse klubi pret zhvillime të mundshme pas ndeshjeve të kësaj fundjave.
Trajneri Xabi Alonso nuk ka marrë asnjë udhëzim nga bordi nëse duhet të mbështetet te dy lojtarët, por performancat e fundit sugjerojnë se ata nuk janë ndër preferencat e tij kryesore.
Për momentin, qëndrimi në Madrid mbetet i fortë: asnjë lojtar nuk do të detyrohet të largohet, por zyrtarët nuk garantojnë se skuadra do të duket e njëjtë më 2 shtator.
Me Manchester Cityn , Arsenalin dhe Liverpoolin aktivë në treg, Madridi po përgatitet për kthesa të mundshme në minutën e fundit, ndërsa afati kalimtar i transferimeve hyn në ditët e tij të fundit.
Lini një Përgjigje