FLASH
Shkruar nga Pamfleti
Mesfushori kroat Luka Modriç është pranë kualifikimit për në kupën e 5-të të botës në karrierë, ndërsa kombëtarja e tij renditet në krye të grupit. Këtë të martë, lojtari i Milanit mbush plot 40 vjeç, duke u bërë një ndër lojtarët më të mëdhenj në moshë që mund të sigurojë pjesëmarrjen.
Ndër vite e ka treguar se është një lider absolut, madje kudo që ka luajtur ka bërë mirë. Luka Modric, legjenda e Kroacisë, mbush 40 vjeç. Kjo mbetet veç një shifër, pasi në fushë lojtari i ka bindur të gjithë, madje edhe në nisjen e kësaj aventure të re me Milanin. Në kombëtare mbetet një lider i padiskutueshëm, madje po udhëheq ekipin drejt Kupës së Botës, e cila do të ishte e pesta në karrierën e lojtarit.
Kupa e parë e botës në të cilën Modric ka luajtur është ajo e 2006, më pas mungoi në 2010-ën, duke u rikthyer në 2014, 2018 dhe 2022, teksa synimi i radhës është kompeticioni që mbahet në SHBA, Kanada e Meksikë. Përballë Malit të Zi, 40-vjeçari dhuroi një tjetër performancë mbresëlënëse, duke asistuar në golin e parë të shënuar nga skuadra e tij. Në përfundim, Kroacia fitoi në shifrat 4-0 dhe renditet e para e grupit L me 12 pikë, ndjekur nga Çekia po me 12.
Gjasat për kualifikimin në Botëror janë të mëdha dhe kjo do të ishte një tjetër arritje për liderin absolut të përfaqësueses ballkanase që ka shkuar deri në finale në 2018-ën. Kujtojmë që në karrierë Modric ka fituar edhe 1 Top të Artë në periudhën kur luante me Real Madrid.
Lini një Përgjigje