Shkruar nga Pamfleti
Napoli nuk shkoi më shumë se barazimi 2-2 me Bolonjën, në sfidën e javës së parafundit të Serisë A.
Napolitanët shpërdoruan avantazhin e dyfishtë në Stadio “Renato Dall’Ara”, duke i dhënë mundësinë vendasve të merrnin një pikë.
Ekipi i Spaletit shënoi pas 14 minutash lojë me Osimhen. Sulmuesi nga Nigeria “tundi rrjetën” sërish në minutën e 54, pas një asisti të Bereszinski.
Bolonja shkurtoi diferencat menjëherë me Ferguson, ndërsa në fund De Silvestri vulosi përfundimisht shifrat në 2-2. Ky takim nuk kishte ndonjë vlerë të veçantë për asnjërën nga skuadrat, pasi Napoli ka fituar titullin kampion dhe skuadra e Motas është e qetë në mesin e renditjes.
