Shkruar nga Pamfleti
Granit Xhaka do të largohet nga Arsenali në fund të sezonit dhe tashmë nuk ka dyshime për këtë. Pas shumë zërave për një kalim të mundshëm në Bundesligë te Leverkuseni, duket se gjërat kanë nisur të qartësohen.
Vetë mesfushori shqiptar ka publikuar një foto në profilin e tij në “Instagram” me disa nga momentet më të bukura, si edhe numëron trofetë që ka fituar. Në mes të sukseseve të fituara, është edhe një “Faleminderit topçinj”.
Arsenali do të luajë edhe ndeshjen e fundit në kampionat ndaj Uolves, që për “Topçinjtë” shërben vetëm për statistikë, pasi kampionati është fituar nga Siti dhe vendi i dytë në klasifikim është blinduar. Kjo do të jetë edhe ndeshja e fundit për Xhakën me fanelën e Arsenalit, për të cilët ka mbajtur edhe shiritin e kapitenit.
